Мемлекеттік тіл – кәсіби жауапкершілік негізі
Қазіргі таңда мемлекеттік тілдің қолданыс аясын кеңейту – еліміздің стратегиялық бағыттарының бірі. Бұл міндет сот жүйесінде қызмет атқаратын мамандарға да үлкен жауапкершілік жүктейді. Себебі сот саласы – азаматтардың құқықтары қорғалатын, заң үстемдігі жүзеге асырылатын маңызды мемлекеттік құрылым.
Сот саласындағы мамандар үшін мемлекеттік тілді жетік меңгеру – тек қызметтік талап емес, кәсіби мәдениеттің айқын көрінісі. Судьялар, сот отырысының хатшылары, сот әкімшілігінің қызметкерлері және басқа да сала мамандары күнделікті жұмыс барысында түрлі құқықтық құжаттармен жұмыс істейді, азаматтармен байланыс орнатады, сот процестерін жүргізуге қатысады. Осындай қызмет барысында мемлекеттік тілді сауатты қолдану сот ісінің сапасы мен ашықтығына тікелей әсер етеді.
Мемлекеттік тілде іс жүргізу азаматтарға құқықтық көмек алуды жеңілдетіп, сот жүйесіне деген сенімді арттырады. Сонымен қатар бұл құқықтық терминологияның дамуына, ресми құжаттардың сапалы дайындалуына және ұлттық құндылықтардың дәріптелуіне ықпал етеді.
Сондықтан сот саласындағы әрбір маман мемлекеттік тілді терең меңгеріп, оны кәсіби қызметінде тиімді қолдануға ұмтылуы қажет. Бұл – заң талаптарын орындаумен қатар, ел болашағына қызмет етудің маңызды көрінісі.
БҚО, Жаңақала аудандық сот әкімшісінің басшысы С.Танатарова
[xfvalue_img]
