Кассациялық соттар туралы
Ақжайық аудандық сотының ғимаратында «кассациялық соттар» туралы тақырыпта кездесу өтті.
Шараға аудандық прокуратура, аудандық азаматтық хал актілерін тіркеу бөлімінің өкілдері және адвокат қатысты.
Ақжайық аудандық сотының төрағасының міндетін атқарушы Г. Сагитова шараны ашып, тақырып бойынша қатысушыларға Қазақстан Республикасының Конституциялық Заңына 2024 жылғы 5 шілдеде № 109-VIII Заңымен Қазақстан Республикасының кейбір конституциялық заңдарына өзгерістер мен толықтырулар енгізіліп, осы Конституциялық Заңның 2-1-тарауы Кассациялық соттар деп толықтырылғанын және 1 шілде 2025 жылдан бастап Кассациялық соттар қызмет атқарып жатқанын жеткізді.
Жаңа кассациялық сот қылмыстық, азаматтық және әкімшілік істер бойынша үш сот болып құрылғанын, сонымен қатар кассациялық саты заңды күшіне енген сот актілерін алты ай мерзім ішінде негізінен қарап шешім қабылдайтынын, соттың негізгі мақсаты - заңның үстемдігін, дұрыс қолданылуы мен түсіндірілу тәртіптерінің және азаматтардың құқықтарымен бостандықтарының сақталуын қамтамасыз ету болып табылатынын атап өтті.
Аталған реформа құқықтық жұмысты жетілдіріп, сот төрелігіне қолжетімділікті арттырып, елімізде сот жұмысын жаңа деңгейге көтеру болып табылатынын айтты.
Қатысушылар тақырып бойынша пікір алмасып, туындаған сұрақтарға жауап алды.
Батыс Қазақстан облысы
Ақжайық аудандық соты әкімшісінің басшысы Ақмарал Нұрым
[xfvalue_img]
7 пікір