Медиация маңыздылығы
Қазіргі қоғамда, әсіресе еліміздің құқықтық жүйесінің үздіксіз дамуы жағдайында медиацияның маңыздылығы артып келеді. Даулы мәселелер мен ұрыс-керісті шешудің бұл әдісі сот және мемлекеттік органдарға түсетін салмақты азайту үшін ғана емес, қоғамдық келісім мен құқықтық мәдениетті нығайту үшін де маңызды болып келеді.
Медиация бұл дауласушы тараптарға құпиялылық пен сыйластық жағдайында өзара қолайлы шешім табуға мүмкіндік береді. Сондай-ақ дәстүрлі сот ісімен салыстырғанда тұрақты әрі ұзақмерзімді нәтижелерге әкеледі. Медиацияның негізгі артықшылықтары болып: экономикалық тиімділік, құпиялылық, тараптардың ерікті қатысуы және өзара қолайлы шешімдерге қол жеткізу мүмкіндігі табылады. Тәжірибе алмасу, халықаралық бағдарламалар мен жобаларға қатысу елімізге озық тәжірибелерді қабылдауға және оларды өз шарттарына бейімдеуге көмектеседі.
Мемлекеттік қолдау мен барлық мүдделі тараптың белсенді қатысуы медиацияны табысты жүзеге асыруды және неғұрлым үйлесімді, әділ қоғамды қалыптастыруды қамтамасыз етеді.
М.К.Жаскайратова
Орал қалалық соты әкімшісінің
бас маманы –сот отырысының хатшысы
[xfvalue_img]
