Мерзімінен бұрын қойылған талап
"Q" АҚ экологияны қолдау жобасын іске асыру аясында кәсіпорындарды технологиялық дамыту мақсатында берілген инновациялық грантты қайтару туралы "А" ЖШС-ға талап арызбен сотқа жүгінді.
Талап қоюшы соманы өндіріп алу туралы талап қоя отырып, жауапкердің шартты орындау мерзімін сақтамағанын көрсеткен.
Жобаны іске асыру барысында жауапкер өнім берушінің суық мезгілде монтаждау жұмыстарын жүргізудің орынсыздығы, жабдықты жеткізудің кешіктірілуі туралы хаттарына, сондай-ақ мемлекеттік экологиялық сараптама алу қажеттігі туралы хаттарға сілтеме жасай отырып, орындау мерзімін ұзарту туралы бірнеше рет өтініш жасаған.
Сот тараптар арасында жасалған шартқа сәйкес дауды сотқа дейін реттеудің міндетті тәртібі белгіленгенін, ол сотқа жүгінгенге дейін гранттық қаржыландыру жөніндегі комиссияның (Кеңестің) шартты бұзуы туралы қорытынды шығаруы қажет екенін анықтады.
Жасалған шартты бұзу мәні бойынша гранттық қаржыландыру жөніндегі кеңестің отырысы өткізілмегендіктен, тиісінше шартты бұзу туралы мәселе шешілген жоқ, бұл талаптың мерзімінен бұрын қойылғанын көрсетеді.
Нұр-Сұлтан қаласының мамандандырылған ауданаралық экономикалық сотының ұйғарымымен талап қараусыз қалдырылды.
[xfvalue_img]
7 пікір