KazAID қолдауымен қазақстан ауғанстанға дәрі-дәрмектермен гуманитарлық көмек жолдады
2025 жылғы 21 сәуір, Кабул – Қазақстан тарапы Ауғанстанның Төтенше жағдайлар министрлігіне гуманитарлық көмектің екінші бөлігін тапсырды. Дәрі-дәрмектер, медициналық бұйымдар және жеке қорғаныс құралдары бар жүк Қазақстан Республикасы Премьер-Министрінің орынбасары – Ұлттық экономика министрі Серік Жұманғарин бастаған делегацияның ресми сапары аясында әуе арқылы жеткізілді.
Гуманитарлық жүктің жалпы салмағы 3 тонна 396 килограмды құрады.
Аталған гуманитарлық көмек KazAID Қазақстандық халықаралық даму агенттігі қолдауымен көрсетілді.
Қазақстан тату көршілік қатынастарды нығайтуды тұрақты түрде жақтайды және өңірдегі гуманитарлық тұрақтылықты қамтамасыз етуге алдағы уақытта да қолдау көрсетуге дайын.
Еске сала кетейік, үш күн бұрын Ауғанстанға алғашқы партия – жалпы көлемі 2,2 мың тонна гуманитарлық көмек теміржол арқылы жөнелтілген болатын. Оның құрамына өсімдік майы, бидай ұны, күріш жармасы, қысқы және жазғы шатырлар мен көрпелер кірді.
[xfvalue_img]
121 пікір