КОРОНАВИРУС ИНФЕКЦИЯСЫНЫҢ АЛДЫН АЛУ

Бұл туралы «ADAL KÓMEK» жобасы аясында ANTIKOR ORTALYGY алаңында Нұр-Сұлтан қаласы Алматы ауданының санитариялық-эпидемиологиялық бақылау басқармасының басшысы Гаухар Нұрабайқызы Шапатаева айтты.

Коронавирустық инфекция - тыныс алу жолдарының қабынуымен, интоксикациямен сипатталатын жедел инфекциялық вирустық ауру.

Коронавирустың адамнан адамға жұғу жолдары ауамен және тұрмыстық- қатынастық жолдар арқылы жүреді (вирус көздің, ауыздың және мұрынның шырышты қабаттарына түскенде). Адамнан адамға коронавирустық инфекцияның таралу мүмкіндігі шектеулі және көп жағдайда адамдар бір-бірімен тығыз байланыста болғанда жүзеге асырылады.

Коронавирустық инфекцияның максималды инкубациялық кезеңі 14 күннен аспайды (инфекция түскен сәттен бастап аурудың алғашқы белгілері пайда болғанға дейінгі кезең), орташа инкубациялық кезеңі 5-7 күннен тұрады.

Коронавирустық инфекцияның белгілері суық тию,  тұмауға ұқсас болады: мұрыннан су ағу, дене қызуының көтерілуі, жөтел, конъюнктивит, бас ауруы, әлсіздік, жүрек айну және іш өтуі болуы мүмкін.

Аурудың ауыр ағымының қауіпті факторларына  жасы 60-тан асқан қарт адамдар, сондай-ақ қант диабеті, жүректің ишемиялық ауруы, артериялық гипертензия, өкпенің созылмалы обструктивті ауруы және иммундық жетіспеушіліктің болуы сияқты қатар жүретін созылмалы  аурулары бар адамдар жатады.

Коронавирусты жұқтырмау үшін жалпы алдын-алу шаралары:

 көпшілік орындарда (дүкендерде, емханаларда, мектепте, жұмыста т.б.) қорғаныс құралдарын (медициналық маскаларды, қолғаптарды, антисептиктерді) міндетті түрде қолдану;

респираторлық ауру белгілері бар адамдармен байланыс жасамау;

көшеде болғаннан кейін, қолды сабындап  мұқият жуу;

егер сабын мен су болмаса, қолды мүмкіндігінше антисептикпен жиі сүрту;

көзді, ауызды және мұрынды қолмен ұстамау;

«тыныс алу этикетін» сақтау (түшкіргенде немесе жөтелгенде ауызды қағаз майлықпен жабу);

адамдар көп жиналатын орындарға (ойын-сауық орындарына, той-думан іс-шараларына, жаппай мерекелік отырыстарға,  және т.б.) барудан  бас тарту.

Коронавирусты жұқтырмау үшін  арнайы алдын-алу шаралары:

КВИ - ға қарсы вакцинация, бұл іс-шараны Қазақстан Республикасы аумағында үстіміздегі жылдың 1 ақпанынан бастап кезең- кезеңімен жүргізілейін деп отырғанын  ҚР ДСМ Алексей Цой Үкімет отырысында айтты.

Бірінші кезеңде - инфекциялық ауруханалардың, жедел медициналық көмектің, реанимация, МСАК бөлімшелерінің, аурухананың қабылдау бөлімдерінің, медицина қызметкерлері мен санитарлық – эпидемиологиялық қызмет мамандарын;

Екінші кезеңде- наурыз айынан жалпы білім беретін мектептердің, университеттердің педагогтарын, ведомстволық медициналық қызметтердің қызметкерлерін;     

Үшінші кезеңде - сәуір айынан бастап вакцинаны мектеп-интернаттардың, мектепке дейінгі балалар мекемелерінің педагогтары мен студенттерді және созылмалы аурулары бар адамдарды вакцинациялау жоспарлануда.

 КВИ-ң алдын – алу шараларын күшейту мақсатында бекітілген карантиндік шектеу талаптарының  орындалуы күн сайын қаладағы жергілікті атқару ұйымдарында құрылған мониторингтік топтардың көмегімен тәулік бойына қадағаланып отыр. Осыған байланысты тұрғындарға тағы да ескерту ретінде айта кетеміз, карантиндік шаралардың қарапайым ережелерін сақтай отырып, сіз өзіңізді де отбасыңызды да қазіргі кезде бүкіл әлемдік пандемиялық  көрініс беріп, асқынуы өлім жағдайына апарып соқтыратын коронавирусты инфекциядан қорғай аласыз!

Конец формы