Кибер қылмысына қарсы іс-қимыл басқармасы қаржылық сауаттылықты арттыру бойынша дәріс оқыды
Астана қалалық Кибер қылмысына қарсы іс-қимыл басқармасының қызметкерлері Еуразия ұлттық университеті мен Назарбаев университетінде қаржылық сауаттылықты арттыру мақсатында дәрістер өткізді.
Дәрістердің негізгі мақсаты – студенттерді қаржылық қауіпсіздік және кибер алаяқтыққа қарсы қорғау шаралары туралы ақпараттандыру болып табылады. Қазіргі таңда интернет алаяқтық пен қаржылық қылмыстар санының артуына байланысты қаржылық сауаттылықты арттыру өте маңызды мәселеге айналып отыр.
Еуразия ұлттық университеті мен Назарбаев университетінің студенттері мен оқытушыларына арналған дәрістерде қаржылық қауіпсіздікті қамтамасыз ету жолдары, киберқылмыстың алдын алу және онлайн алаяқтықтан қалай қорғану керектігі туралы кеңестер берілді. Сонымен қатар, қатысушыларға интернет-алаяқтықтың негізгі түрлері мен олардан сақтану әдістері туралы егжей-тегжейлі ақпарат ұсынылды.
Киберқылмыспен күресу және қаржылық сауаттылықты арттыру бағытындағы осындай іс-шаралар Қазақстан азаматтарының ақпараттық қауіпсіздігін жақсартуға және қаржылық құқықтарын қорғауға көмектеседі.
Астана қаласы ПД баспасөз қызметі
[xfvalue_img]
