Астанада интернет-алаяқтықтың алдын алуға бағытталған дәрістер өтті
Астана қаласы Полиция департаменті Кибер қылмысына қарсы іс-қимыл басқармасының қызметкерлері интернет-алаяқтықтың алдын алу және азаматтардың киберқауіпсіздігін қамтамасыз ету мақсатында бірқатар мекемелерде ақпараттық дәрістер өткізді.
Іс-шаралар Орталық сайлау комиссиясы, “Астана-Энергия” ЖШС, Қорғаныс министрлігі сынды маңызды мекемелерде ұйымдастырылды. Бұл кездесулер барысында полиция қызметкерлері интернет-алаяқтардың ең жиі қолданатын айла-тәсілдері туралы айтып, олардың құрбаны болмаудың жолдарын түсіндірді.
Дәрістер барысында азаматтарға бейтаныс нөмірлер мен сілтемелерге сақтықпен қарау, банк картасы деректерін, құпия сөздер мен SMS-кодтарды үшінші тұлғаларға бермеу, күмәнді онлайн сауда платформаларында ақша аударымдарын жасамау, алаяқтық жағдайына тап болған кезде бірден полицияға хабарласу туралы кеңестер берілді.
Астана қаласы Полиция департаменті азаматтарды қырағылық танытып, өздерінің жеке мәліметтерін қорғауға шақырады. Интернет-алаяқтыққа қарсы күресте ішкі істер органдарының ақпараттық-түсіндіру жұмыстары жалғасады.
Астана қаласы ПД баспасөз қызметі
[xfvalue_img]
