«ҰАТ» АҚ мен Яндекс Қазақстан DevOps және AI қауымдастықтарын дамыту үшін күш біріктіреді
«Ұлттық ақпараттық технологиялар» АҚ («ҰАТ» АҚ) және ЖШС «Бұлтты қызметтер Қазақстан» (Yandex Cloud) ынтымақтастық туралы келісімге қол қойды. Келісім DevOps және жасанды интеллект саласындағы кәсіби қауымдастықтарды дамытуға, сондай-ақ IT-мамандар мен жетекші бұлтты платформаның сарапшылары арасында тәжірибе алмасуға бағытталған. Қол қою рәсімі Астанада өткен Cloud Day шарасы аясында өтті.
Келісім аясында тараптар үш негізгі бағытқа назар аударады: инновациялық IT-шешімдерді әзірлеу, мамандарға арналған білім беру іс-шараларын ұйымдастыру және кәсіби қауымдастықтар арасындағы өзара әрекеттестікті қолдау. Серіктестік аясында бірлескен бастамалар мен жобаларды іске асыру жоспарланып отыр. Олар IT-мамандардың біліктілігін арттырып, кәсіби дағдыларын дамытуға айтарлықтай үлес қоспақ.
Yandex Cloud бұлтты платформасы қазақстандық әзірлеушілер мен бизнеске 30-дан астам сервис ұсынады, оның ішінде жаңа цифрлық өнімдерді жылдам сынақтан өткізу және іске қосу үшін озық AI-құралдары бар.
«Бұл ынтымақтастық IT мамандарының кәсіби өсуі үшін жаңа көкжиектерді ашады. Біздің ресурстарымыз бен білімімізді біріктіре отырып, біз Қазақстанның цифрлық экожүйесін дамытуға мықты негіз қалаймыз. Біздің жаңа стратегиямыз отандық DevOps мамандары мен жасанды интеллект сарапшыларының тәжірибесі мен құзыреттерін шоғырландыру қажеттігін ерекше атап көрсетеді. Яндекс сияқты ірі компанияның нарықтағы тәжірибесі бізге қалыптасқан процестерге жаңа көзқараспен қарауға көмектеседі, ал бірлескен жұмыс ИИ және DevOps сияқты басым бағыттарда Қазақстандағы IT мамандарының белсенді қауымдастығын қалыптастырудың кілті болады», – деді «ҰАТ» АҚ Басқарма Төрағасы Баян Қонирбаев.
Сондай-ақ, білім мен тәжірибе алмасу үшін қолайлы жағдай жасауға, сондай-ақ бірлескен білім беру бастамаларын жүзеге асыруға ерекше көңіл бөлінеді.
[xfvalue_img]
