ЖШС ҚЫЗМЕТТІК МІНДЕТТЕРІН ОРЫНДАУҒА КЕДЕРГІ КЕЛТІРГЕНІ ҮШІН АЙЫППҰЛ ТӨЛЕДІ
ҚР Бәсекелестікті қорғау және дамыту агенттігінің Шығыс Қазақстан облысы бойынша департаментінің лауазымды тұлғалары (бұдан әрі - Департамент) «Outdoor.kz» ЖШС-ге қатысты Қазақстан Республикасының бәсекелестікті қорғау саласындағы заңнамасының бұзылуына тергеу жүргізу шеңберінде Қазақстан Республикасы Кәсіпкерлік кодексінде көзделген бұзушылық белгісі бойынша 2023 жылғы 28 қыркүйекте тергеу іс-шараларын жүргізу үшін ЖШС заңды мекенжайына шығу жүзеге асырылды.
Алайда, ЖШС басшысы мен қызметкері жоғарыда көрсетілген тергеуді жүргізетін монополияға қарсы органның лауазымды тұлғаларына, тергеу нысанына сәйкес тергеу объектісінің автоматтандырылған дерекқорларына (ақпараттық жүйелерге) қол жеткізуге кедергі келтірді, соның ішінде Департаменттің бұйрығымен танысумен және қабылдаудан үзілді-кесілді бас тартты. Бұл факті бейнежазбаға түсіріліп, кедергілер жасау туралы тиісті акт жасалды.
Осыған байланысты, көрсетілген факті бойынша 2023 жылғы 29 қыркүйекте Департамент «Әкімшілік құқық бұзушылық туралы» ҚР Кодексінің (бұдан әрі - ӘҚБтК) 162 бабы бойынша әкімшілік құқық бұзушылық туралы іс қозғады және ЖШС басшысының кінәсін мойындауын ескере отырып, ӘҚБтК-нің 811-бабының 1-бөлігіне сәйкес қысқартылған іс жүргізу тәртібімен 172 500 теңге сомасында әкімшілік айыппұл салынды (көзделген санкцияның 50% мөлшерінде).
ЖШС-ға әкімшілік құқық бұзушылық туралы хаттама жасалып, тапсырылғаннан кейін әкімшілік айыппұл төледі.
[xfvalue_img]
