Ұлттық санақ кезіндегі сыбайлас жемқорлық тәуекелдері
«Anikor.Live» жобасы аясында ШҚО сыбайлас жемқорлыққа қарсы қызметі басшысының м.а. Жігер Байділдин ШҚО статистика департаменті басшысының м.а. Ерназ Нұрлановпен «халық санағы кезіндегі сыбайлас жемқорлық тәуекелдері» тақырыбында тікелей эфир өткізді.
Тікелей эфирдің басында ШҚО статистика департаменті өкілі Департаментте, сондай-ақ оның аймақтық бөлімшелерінде сыбайлас жемқорлыққа қарсы іс-қимыл бойынша атқарылған жұмыстар туралы айтып берді.
Ерназ Нұрланұлының баяндағанындай, сыбайлас жемқорлық құқық бұзушылықтардың алдын алу мақсатында Департаментте Әдеп жөніндегі уәкіл бекітілген, түрлі түсіндіру іс-шаралары жүргізіледі, сондай-ақ ұжымдағы моральдық-психологиялық ахуалды анықтау мақсатында жасырын сауалнама жүргізіледі.
Алдағы халық санағының негізгі жаңалығы - онлайн-режимде халықтың интернет-сауалнамасы және планшеттер арқылы халықтың жаппай сауалнамасы болады. 1 қыркүйектен 15 қазанға дейін ел тұрғындары өзіне және өзінің отбасы мүшелеріне арналған санақ парақтарын мамандандырылған сайтта өз бетінше толтыра алады – sanaq.gov.kz. Дәстүрлі жаппай аралау 1-30 қазан аралығында өтеді және белгіленген мерзімде онлайн-режимде санақтан өтпеген респонденттер арасында өткізіледі. Интернет арқылы мәліметтерді ұсынған респонденттерден санақшылар сұрау жүргізбейді. Тұрғындардан сұрау салу кезінде сәйкестендіру үшін, адамның ЖСН пайдаланылатын болады. Бұл, мәліметтердің қайталануын болдырмауға мүмкіндік береді, - деп атап өтті.
2021 жылғы Ұлттық санақты өткізу кезеңінде сыбайлас жемқорлықтың алдын алу мақсатында «1446» бірыңғай call-орталығы жұмыс істейді. Сондай-ақ, 8 8000 800 878 номеріне хабарласып ақпарат алуға болады. Ұлттық санақ туралы барлық ақпарат sanaq.gov.kz, stat.gov.kz ресми сайтында, сондай-ақ әлеуметтік желілерде YouTube (STATGOV KZ), Facebook (@statgov.kz), Instagram (@statgov.kz) #sanaqkz2021 хэштегімен мамандандырылған сайттарда жарияланады.
Өз кезегінде, ШҚО сыбайлас жемқорлыққа қарсы қызметі басшысының м.а. Жігер Байділдин халық санағы кезінде сыбайлас жемқорлық тәуекелдерінің алдын алуға ерекше назар аударуды және Департаменттің және бағынысты ұйымдарының қызметкерлерінің санақ жүргізу барысында заң талаптарын қатаң сақтауы ұсынды.
[xfvalue_img]
