«Мемлекеттік ұлттық табиғи паркі» РММ аудандық филиалының директоры лауазымдық өкілеттіктерін асыра пайдалануда күдікке ілінді
Солтүстік Қазақстан облысының Сыбайлас жемқорлыққа қарсы қызметі «Мемлекеттік ұлттық табиғи паркі» республикалық мемлекеттік мекемесінің аудандық филиалдарының бірінің директорына қатысты қоршаған ортаға 694,5 мың теңге сомасына шығын келтіруге әкеп соққан лауазымдық өкілеттіктерін асыра пайдалану фактісі бойынша күдікке ілінді.
Филиал директоры филиалды тексеруге келген лауазымды тұлғаға беру үшін қолдануға тыйым салынған ұлттық парк аумағындағы елікті атуға филиал қорықшысына заңсыз тапсырма беруде күдікке ілінді.
Сондай-ақ, аталған оқиға бойынша ерекше қорғалатын табиғи аумақта жабайы аңдарды қорғауға міндетті тұлғалардың оқпен атылатын қару қолданумен заңсыз аңшылық жасау фактісі бойынша филиал директоры мен қорықшысына қатысты сотқа дейінгі тергеу басталды.
Сонымен қоса, сотқа дейінгі тергеу барысында аталған Филиал директорының ағаш дайындаушылардан оларда ыңғайлы жерде сүрек дайындауға (қайың, жалпы көлемі 1260 м/3) рұқсат беру және орман жинау билетін алу үшін 78 мыңнан бастап 389 мың теңгеге дейінгі көлемде жүйелі негізде пара алу фактілері анықталды.
Сонымен бірге, ағаш дайындаушыларға қатысты пара беру фактілері бойынша сотқа дейінгі тергеу басталды.
Бұл факт лауазымды тұлғалардың заңсыз әрекеттері фактілері бойынша Агенттік Төрағасының блогына азаматтардан түскен шағымдарға Сыбайлас жемқорлыққа қарсы қызметтің ден қоюының бір айғағы.
СҚО Сыбайлас жемқорлыққа қарсы қызметі
[xfvalue_img]
