Мемлекеттік ветеринарлық-санитарлық инспекторлардың бірі жүйелі негізде пара алуда күдікке ілінді
Солтүстік Қазақстан облысының Сыбайлас жемқорлыққа қарсы қызметі Петропавл қалалық аумақтық инспекциясының мемлекеттік ветеринарлық-санитарлық инспекторларының біріне қатысты сотқа дейінгі тергеуді бастады.
Ол міндетті тауар сүйемелдеу құжаттарынсыз базар аумағында етті (ірі қара мал, шошқа) кедергісіз сату үшін кәсіпкерлік субъектілерінен күн сайын жүйелі негізде 2 мыңнан бастап 10 мың теңгеге дейінгі көлемде пара алуда күдікке ілінді.
Жоғарыда аталған 3 жеке кәсіпкерге қатысты пара беру фактілері бойынша сотқа дейінгі тергеу тіркелді.
Бұл факті сыртқы талдау барысында анықталған бақылау-қадағалау функциясын жүргізудегі сыбайлас жемқорлық тәуекелдерінің болуынан орын алды.
ҚПК 201-бабына сәйкес өзге ақпарат тергеу мүддесі үшін жариялауға жатпайды.
СҚО Сыбайлас жемқорлыққа қарсы қызметі
[xfvalue_img]
