Елордада көші-қон заңнамасын бұзған азаматтар елден шығарылды
«Заңсыз келуші» жедел-профилактикалық іс-шарасы барысында көші-қон қызметінің қызметкерлері көші-қон заңнамасын бұзған 279 шетел азаматын және 53 Қазақстан Республикасының азаматын анықтады.
Сондай-ақ, жергілікті атқарушы органның рұқсатынсыз шетелдік азаматтарды заңсыз жұмысқа тартқан 15 жұмыс беруші анықталды.
Көші-қон заңнамасын бұзғаны үшін 67 шетел азаматы елден шығарылды.
Сонымен қатар, соттың көші-қон заңнамасына қатысты шығарған шешімін орындамаған және Қазақстан Республикасынан шығудан жалтарған 11 шетелдік азамат анықталды. Бұл тұлғалар мәжбүрлі түрде ел аумағынан шығарылды.
Шетелге шығу визасының мерзімі аяқталған нигериялық азаматқа ҚР Әкiмшiлiк құқық бұзушылық туралы 517-бабы «Шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы» бойынша хаттама толтырылды.
Елорда тұрғындары мен қонақтарына айтарымыз, егер Сізде қала аумағында заңсыз жүрген шетел азаматтары туралы қандай да бір ақпарат болса, жақын маңдағы полиция бөлімшесіне хабарласуыңызды немесе «102» арнасына қоңырау шалуыңызды сұраймыз.
Астана қ. ПД баспасөз қызметі
[xfvalue_img]
