Астанада «Жас полицейлер кадет сыныбы» құрылды
Астана қаласының Полиция Департаменті Жергілікті полиция қызметінің басқармасы кадр жұмысы басқармасымен бірлесіп, патриоттық тәрбие беруді арттыру мақсатында, Отан қорғауға әзірлік, оқушылардың бойында конституциялық, әскери борышын адалдық сезімін қалыптастыру және дамыту, тәртіпке, оқуға деген адал көзқарасын, жақсы мамандық таңдауға ұмтылу, мемлекеттік немесе әскери қызметке байланысты мектептің негізінде Астана қаласының Райымбек батыр атындағы «Қазғарыш» № 50 мектеп-лицейінде «Алғаш жас полицейлер кадет сыныбы» ашылып, онда 10-шы сыныптан 30 оқушы, 6-шы сыныптан 20 оқушы ант қабылдады.
Барлық кадет сынып оқушылары Жарғының талаптарын орындауға міндетті, сонымен қатар «Жас полицейлер кадет сыныбының» ережелеріне сәйкес іждағаттылық пен табандылыққа ие болуға, жан-жақты дамыған болуға, білімді және мәдениетті адам болуға, қоғамдық және өз әскери борышын адал орындауға дайын болуға, полиция қызметкерлерімен бірлесіп қоғамдық тәртіпті сақтауға қатысуға, «Жас полицейлер кадет сыныбының» ережелерін сақтауға, мектеп ішіндегі ішкі тәртіп пен ережелерді сақтауға, бағалап құрметтеуге міндетті.
Астана қаласының ПД басшылығы мектеп әкімшілігі мен оқушыларды грамоталармен және алғыс хаттармен марапаттады.
Сонымен қатар, 2019 жылы мектептер негізінде Елордамыздың №25,61,74 мектептерінде «Жас полицейлер кадет сыныптарын» ашу жоспарлануда.
Астана қ.ПД Баспасөз қызметі
[xfvalue_img]
1 пікір