Масаң күйде болған көлік жүргізуші әкімшілік қамаққа алынды
Мұғалжар ауданының №2 аудандық сотында Қазақстан Республикасының Әкімшілік құқық бұзушылық туралы кодексінің 608 бабының 6-бөлігімен (Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы және осы баптың бірінші, екінші және үшінші бөліктерінде көзделген, көлік құралдарын басқару құқығы жоқ адамдар жасаған әрекеттер) азамат Д-ға қатысты әкімшілік іс қаралды.
Құқық бұзушы аз.Д. көлік құралын алкогольдік масаң күйінде жүргізгені үшін жол-патрульдік полиция қызметкерлерімен ұсталып, тексеріс барысында көлік құралдарын жүргізуші куәлігі берілмегендігі анықталды.
Сот барысында құқық бұзушы өз кінәсін толық мойындады.
Соттың қаулысымен азамат Д. ҚР ӘҚБтК-нің 608 бабының 6-бөлігімен кінәлі деп танылып, ол 20 тәулікке әкімшілік қамаққа алынды.
Қаулы заңды күшіне енген жоқ.
[xfvalue_img]
47 пікір