"Азаматтарға арналған үкімет" мемлекеттік корпорациясы қызметкерлерімен семинар өткізілді
Батыс Қазақстан облысы бойынша Соттар әкімшісі басшысының орынбасары м.а. Эльвира Темирниязова «Азаматтарға арналған үкімет» мемлекеттік корпорациясы Орал қаласының Халыққа қызмет көрсету орталығының қызметкерлерімен онлайн-семинар өткізді.
Іш-шараға Батыс Қазақстан облысы бойынша Соттар әкімшісінің жауапты маманы А.Кусанова, Батыс Қазақстан облысы бойынша "Азаматтарға арналған үкімет" мемлекеттік корпорациясы КЕАҚ мемлекеттік қызмет көрсету сапасы және бақылау бөлімінің басшысы Данагүл Кауметова және филиалдардың мамандары қатысты.
Семинарда ҚР Жоғарғы Сотының жанындағы Соттардың қызметін қамтамасыз ету департаменті басшысының 2020 жылғы 13 сәуірдегі № 13 бұйрығымен бекітілген "Сот органдарынан шығатын ресми құжаттарға апостиль қою" жөніндегі мемлекеттік қызмет көрсету қағидалары тақырыбында талқыланды.
Семинар барысында мемлекеттік қызмет көрсету үшін қажетті құжаттарды қабылдау тәртібі, өтінішті қабылдаудан бас тарту негіздері, мемлекеттік қызмет көрсетуден бас тарту негіздері, мемлекеттік қызмет көрсету тәртібі мен мерзімдері, мемлекеттік баж салығын төлеу және олардың деректемелері туралы түсініктемелер берілді.
Батыс Қазақстан облыстық сотының баспасөз қызметі
[xfvalue_img]
