Ақжайық ауданының №2 аудандық сотымен «Еңбек дауларын сотқа дейін шешу институттарын дамыту» тақырыбында дөңгелек үстел өткізілді.
Дөңгелек үстелге онлайн режимінде WhatsApp мессенджері арқылы судья В.Ш.Адушева, Тайпақ орталық ауруханасының бас дәрігері С.Сундетова, Краснояр ЖОББМ өкілі тәрбие ісі жөніндегі орынбасары Б.Абилов, К.Байсыков ЖОББМ өкілі оқу ісі жөніндегі орынбасары А.М.Елекешова, Тайпақ колледжінің өкілі директоры М.Кашимов, Билер кеңесінің мүшесі А.Кайргалиев, кәсіпқой емес медиатор Ғ.Адилова қатысты.
Судья В.Ш. Адушева заңмен енгізілген жаңашылдықтар нормаларын айта отырып, жұмыс беруші мен қызметкер арасында туындайтын еңбек дауларын қарау үшін жұмыс берушінің келісу комиссиясын құру міндетілігі және дауды (жанжалды) медиация тәртібімен реттеу туралы медиатор арқылы еңбек шартта көрсету, өтініш берушінің жазбаша келісімі бойынша оның қатысуынсыз келісу комиссиясында дауды қарауға жол берілетіндігі туралы өзгерістерге назар аудара отырып, кәсіподақтардың еңбек дауларын сотқа дейін шешуге қатысу құқығын атап өтті. Оларға кәсіподақ мүшелері арасында құқықтық сауаттылығын арттыру бойынша, оның ішінде еңбек заңнамасының ережелері бойынша түсіндіру жұмыстарын жүргізу міндеті жүктелгендігіне назар аударды.
Соның ішінде жеке еңбек даулары Еңбек Кодексіне сәйкес еңбек даулары алдымен міндетті кезең -келісу комиссиясында қаралуы тиіс екенін, соттан тыс – медиация арқылы немесе Билер кеңесімен дауды реттеудің қажеттілігі мен артықшылықтарын түсіндірді. Осыған байланысты еңбек дауларының алдын алу мақсатында келісім шартындада дауларды медиация арқылы реттеуді және келісім комиссиясының құрамына да көңіл бөлу керектігін (басшы лауазымдарға қатысы жоқ қызметкерлер саны 50% кем болмауы тиіс) түсіндірді.
Қатысушылар дөңгелек үстелдің тақырыптарын талқылап, қойылған сұрақтарға жауаптар берілді.
Д.Мукасова
Ақжайық ауданының №2 аудандық
сотының бас маманы
[xfvalue_img]
