Кәмелетке толмағандар арасындағы құқық бұзушылықтарды алдын-алу мәселесі дөңгелек үстелде талқыланды
Мұғалжар аудандық Татуластыру орталығының жанындағы Билер кеңесінде сот төрағасы А.Т.Анарбаевтың, билер кеңесінің төрағасы А.Ш.Адаевтың, аудандық полиция бөлімі қызметкерлерінің, әкімдік, білім бөлімі өкілдері, кәсіби және кәсіби емес медиаторлардың қатысуымен «Кәмелетке толмағандар арасындағы құқық бұзушылықтарды алдын-алу» тақырыбында дөңгелек үстел өткізілді.
Сот төрағасы Абитхан Анарбаев дөңгелек үстелді кіріс сөзбен ашып, әкімшілік және қылмыстық заңнамалардың негізгі ережелерін түсіндірді. Кәмелетке толмағандар тарапынан жасалған құқық бұзушылықтар үшін кәмелетке толмағандар мен олардың заңды өкілдерінің жауапкершілігі туралы, құқық бұзушылық пен қылмыстар жасаудың салдары жөнінде айтып өтті. Судья кәмелетке толмағандарға қатысты қаралған істер бойынша сот статистикасын келтірді..
Шара қатысушылары өзара пікір алмасып, жасөспірімдерге профилактикалық іс-шараларды жиі өткізу керектігін атап өтті.
Ақтөбе облыстық сотының баспасөз қызметі
[xfvalue_img]
1 пікір