Оралда мемлекеттік қызметшілер күні тойланды
Облыстық сотында 23 маусым мемлекеттік қызметшілер күніне орай салтанатты жиын болып өтті.
Іс-шараға Батыс Қазақстан облысы бойынша Соттар әкімшісінің басшысы Нұрлан Қажғанов, облыстық, аудандық және оған теңестірілген соттардың кеңсе меңгерушілері мен қызметкерлері қатысты.
Жиынды аша отырып, Н.Кажғанов жиынға қатысушыларды мемлекеттік қызметшілер күнімен құттықтай келе, мемлекеттік қызмет – мемлекет жүйесінің ең маңызды тетіктерінің бірі болғандықтан билікке деген сенім қазіргі қоғамның талаптарына сай мемлекеттік қызметшіден бастау алатынын айрықша атап өтті.
Н.Кажғанов: «Елімізің сот жүйесінің дамуы, халықтың сотқа деген сенімінінің артуы Сіздердің кәсіби біліктіліктеріңізге, іс-тәжірибелеріңізге, патриоттық сезіміңіз бен заңдылықты бұлжытпай сақтауыңызға, сіңірген еңбектеріңізге тікелей байланысты», - деді.
Іс-шара барысында мемлекеттік қызметке жаңадан қабылданған жас мамандар ант қабылдап, бұл күн олар үшін екі есе салтанатты бола түсті.
Сонымен қатар, аталған мерекеге орай лауазымдық міндеттерін үлгілі әрі адал орындап, еңбектегі жетістіктері үшін сот жүйесінің бірқатар қызметкерлері түрлі марапаттарға, құрмет грамоталары мен алғыс хаттарға ие болды.
Әрі қарай салтанатты іс-шара сот қызметкерлері арасында ұйымдастырылған «Үздік мемлекеттік қызметші» байқауымен жалғасты. Соттардан іріктеліп, ең үздік деп танылған 6 үміткер сайыста бақ сынады.
Сайыс қорытындысы бойынша I орынды Орал қаласы тергеу сотының маманы К.Жумин, II орынды – БҚО ҚІжМАС маманы Ш.Закарина иеленсе, III-орын Орал қаласы әкімшілік сотының маманы Е.Андақұловқа бұйырды.
Сонымен қатар, ерекше белсенділік танытқан қатысушыларға «Тамаша жауап», «Көрермен көзайымы», «Ерекше сюжет», «Өнерлі қызметші» аталымдары бойынша грамоталар табысталды.
Шара соңы сот қызметкерлерінің концерттік бағдарламасымен жалғасты.
Нұргүл Қанатбаева
БҚО бойынша Соттар Әкімшісінің ақпараттық қамтамасыз ету бөлімінің бас маманы – баспасөз қызметінің маманы
[xfvalue_img]
