Сот жүйесіндегі пилоттық жобалар өз нәтижесін беруде

Елбасымыз өз сөзінде «Қазақстан бүгін-қалыптасқан, әлем таныған және бәсекеге қабілетті мемлекет ретінде танылып отыр.Оны бүкіл дүниежүзілік қауымдастық мойындайды. Біздің табыстарымыздың дәлелі заманға сай және тиімді сот билігі болып табылады» деген  болатын. 

Сот билігінің негізгі мақсаты – қоғамның мүшелерін кез келген бассыздықтан қорғау, яғни басқа азаматтардың бассыздығынан, мемлекеттің, оның органдары мен лауазымды тұлғалардың  теріс әрекеттерінен қорғау болып табылады.

Барлығы әлемнің озық 30 елінің қатарына кіруге негіз болмақ. Бұл дегеніміз – азаматтардың әл-ауқатын жақсарту, өмір сүру деңгейін жоғарылату.

Ел дамуына сот жүйесі де өз үлесін қосуда. Экономиканың және азаматтардың іскерлік белсенділігімен қатар халықтың сот қызметіне деген сұранысы артып келеді.

Ұлт Жоспары шеңберіндегі сот реформалары одан әрі жалғасуда.  

Мемлекет басшысы биылғы Жолдауында сот жүктемесін жеңілдетуді, судьяларды іріктеу жүйесін жетілдіруді, жұмыстың жаңа форматтарын енгізуді, электронды сот төрелігін енгізуді тапсырды. Осы орайда Парламент пен Үкіметке 10 заң жобасы енгізілді. Олардың ең маңыздылары 2019 жылда қабылданады деп күтілуде.  

Реформалар сот төрелігінің бұдан да ашық, айқын әрі халық үшін қолжетімді болуына ықпал етпек. Осының барлығы халықтың соттарға деген сенімін арттыру жөнінде Елбасының алға қойған стратегиялық міндетін шешуге мүмкіндік береді. Осылайша соттар заң үстемдігі мен әлеуметтік әділдікті қамтамасыз ету жөніндегі өзінің рөлін орындайтын болады.

Соттарда, заманауи технологиялар қарқынды дамып, «электронды сот төрелігі» жүзеге асырылуда. Биыл азаматтардың құқықтары мен бостандықтарын қорғауға бағытталған бірқатар заңнамаларға өзгерістер енгізілді.

Жыл басында Жоғарғы Сотта «Сот жү­йесінің жеті түйіні» жобасы өмірге еніп, онда дамудың жеті басым бағдарла­масы шоғырландырылды.

Бұл құжат сот жүйесін жақсарту жөніндегі ұсыныс-тілектерінің жиынтығы.

«7 түйін» мен басқа да бастамалар мен жобалар Ұлт Жоспары, «Рухани Жаңғыру» және Елбасының Жолдауын іске асыруға бағытталған.

Сондай-ақ, Қазақстан Республикасы Жоғарғы сотының төрағасының «Судья көмекшісі» пилоттық жобасы Ақмола гарнизоны әскери сотында іске асырылып, болашақ судьяларға бағыт бағдар берілді.

Соттарда бірнеше пилоттар іске асырылды. Олар идеяларымыздың расында да маңызды, қажет екенін көрсетті.

Осы пилоттардың нәтижесіне сүйене отырып, оншақты заң жоба әзірленді. Олар да қазір мемлекеттік органдарда келісу үстінде.

Бұл түзетулер, ең алдымен, қажетсіз жүктемені қысқарту арқылы сот төрелігінің сапасын арттыру міндетін көздейді.

 Ақмола гарнизоны әскери сотының төрағасы

А.Бабатов