Петропавлда полицейлер оқушылар арасынан жол қозғалысы ережелерінің үздіктерін анықтады
https://youtube.com/shorts/fh7rgYGKFdw?feature=share
Петропавлда жас жол инспекторларының 17 жасағы өз шеберліктерін көрсету үшін бас қосты. «Дарын» мектеп-лицейінің алаңында олар саптық дайындықты, велосипедті мәнерлеп жүргізу дағдыларын және жолдағы қауіпсіздікке қажетті білімдерін көрсетті.
Жас жол инспекторларының жасақтары — тәртіп сақшыларының сенімді көмекшілері. Үгіт-насихат топтарының байқауында олар бастауыш сынып оқушыларына жолдағы қауіпсіз мінез-құлық дағдыларын үйрету бойынша қалай жұмыс жүргізетіндерін көрсетті.
Медицина қызметкерлері жас инспекторлардың алғашқы медициналық көмек көрсету бойынша білімдерін тексерсе, полицейлер олардың Жол қозғалысы ережелерін қаншалықты жақсы меңгергенін анықтады.
Іс-шараға өткен жылы республикалық кезеңде құрметті үшінші орынды иеленген Мамлютка қаласының оқушылары да қатысты. Олардың жетістігі өзге қатысушыларға шабыт берді. Биыл қалалық командалар арасында №23 мектептің оқушылары жеңімпаз атанды. Екінші орынды №14 мектеп иеленсе, үшінші орын Бірінші гимназияға бұйырды. Облыстық кезең мамыр айының соңына жоспарланған.
Игорь Мерцалов
СҚО ПД баспасөз қызметі
[xfvalue_img]
