Елордадағы болашақ медицина қызметкерлері киберқауіпсіздік, көші-қон заңнамасы және есірткі қатеріне қарсы іс-қимыл негіздері бойынша білім алды
Елордада «Заң және тәртіп» тұжырымдамасы аясында «Астана медицина университеті» студенттерімен көші-қон заңнамасы және киберқылмысқа қарсы іс-қимыл мәселелері бойынша ақпараттық кездесу өтті.
Іс-шара жастардың құқықтық сауаттылығын арттыруға және студенттік ортада қауіпсіз орта қалыптастыруға бағытталды. Кездесу барысында полиция қызметкерлері интернет-алаяқтықтың кең таралған тәсілдері, оларды тану жолдары және цифрлық кеңістікте құқыққа қарсы әрекеттерден қорғану шаралары туралы жан-жақты түсіндірді.
Сондай-ақ Қазақстан Республикасының көші-қон заңнамасының нормаларына, оның ішінде шетелдік студенттердің елде болу және білім алу мәселелеріне ерекше назар аударылды. Бұдан бөлек, есірткі құқық бұзушылықтарының алдын алу бойынша, олардың құқықтық салдары мен алдын алу шаралары түсіндірілді.
Кездесуге қатысушылар өздерін толғандырған сұрақтарын қойып, полиция қызметкерлерінен практикалық кеңестер алды.
Осындай іс-шараларды өткізу жастардың құқықтық сауаттылығын қалыптастыруда, олардың хабардарлық деңгейін арттыруда және құқық бұзушылықтардың алдын алуда маңызды рөл атқарады.
[xfvalue_img]
