*Жоғарғы Сот тұрғын емес үй-жай иесінің құқығын қорғады* 6001-24-00-3гп-492
◾️ Серіктестік – Астана қаласының тұрғын үй кешендерінің біріндегі тұрғын емес үй-жайдың меншік иесі көппәтерлі тұрғын үйдің үй-жайларының (пәтерлерінің) меншік иелерінің жалпы жиналысының шешіміне сотқа шағымдану кезінде тұрғын үй иелерінің жазбаша сауалнамасын жүргізу кезінде тұрғын үй заңнамасының талаптарын бұзу фактісін келтірген.
◾️ Жалпы жиналыста кондоминиум объектісінің ортақ мүлкін күтіп-ұстауға арналған шығыстар сметасын, оның ішінде тұрғын емес үй-жайлардың меншік иелері үшін жарна сомасын бекіту туралы шешім қабылданған.
◾️ Жергілікті соттар талап қоюды қанағаттандырудан бас тартқан.
◾️ Жоғарғы Сот сот актілерін кассациялық қарау кезінде бірінші және апелляциялық сатылардағы соттардың «Тұрғын үй қатынастары туралы» Заңының нормаларына қайшы келетін бірқатар елеулі мән-жайларды есепке алмағанын анықтады:
- Заңның 42-1-бабының 1-тармағын бұза отырып, тұрғын емес үй-жайларға тарифті бекіту туралы шешімді меншік иелерінің көпшілігі іс жүзінде қолдамаған;
- жазбаша сауалнама заңда белгіленген мерзімдерді бұза отырып, Заңның 42-2-бабының 3-тармағын сақтамай жүргізілген;
- «Тарифті көтеру туралы» күн тәртібіндегі бірінші отырысқа дейін де, қайталама отырыстан кейін даулы хаттамалық шешім қабылданған.
◾️ Нәтижесінде істің нақты мән-жайлары бұрмаланып, Серіктестіктің құқықтары мен заңды мүдделері бұзылған.
◾️ Жоғарғы Соттың азаматтық істер жөніндегі сот алқасы заңсыз сот актілерінің күшін жойды.
◾️ Үй-жайлардың (пәтерлердің) меншік иелерінің жалпы жиналысының хаттамасы жарамсыз деп танылды.
[xfvalue_img]
168 пікір