Сот медиациясы
Қазақстанда құқықтық жүйені жетілдіру бағытында амазаттардың дау-дамайларын бейбіт жолмен шешуге ерекше назар аударылып, келеді. Соның ішінде сот медиациясы –қоғамдағы әлеуметтік шиеліленістерді азайтуға, тараптар арасындағы өзара сыйластықты сақтауға және сот жүйесінің жүктемесін жеңілдетуге бағытталған маңызды институт.
Сот медиациясы дегеніміз не?
Сот медиациясы –бұл азаматтық, әкімшілік және кейбір қылмыстық істер бойынша сотқа дейінгі немесе сот процесі кезінде тараптар арасында татуласу мақсатында жүргізілетін рәсім. Оны бейтарап медиатор жүргізеді. Сот медиациясы, әдетте, тараптардың ерікті келісімімен жүзеге асады және оның нәтижесінде бітімгершілік келісім жасалып, іс қысқартылады.
Медиатор кім?
Медиатор –арнаулы дайындықтан өткен, кәсіби немесе кәсіби емес негізде жұмыс істейтін, сотта немесе соттан тыс дауларлы реттеуге көмектесетін тұлға.
Сот медиациясында көбіне сот медиаторы рөл атқарады. Ол тараптарға кеңес бермейді, шешім шығармайды, тек екі жақтың да пікірін тыңдап, өзара тиімді келісімге келуге көмектеседі.
Сот медиациясының артықшылықтары :
Уақыт үнемдеу. Көптеген сот процестері бірнеше айға, тіпті жылдарға созылуы мүмкін. Ал медиация қысқа уақыт ішінде нәтиже береді.
Қаржылық шығын азаяды. Сот процесіне қарағанда медиация аз шығынды қажет етеді.
Құпиялық сақталады. Медиация рәсімі жабық түрде өтеді, яғни тараптар арасындағы ақпарат жария етілмейді.
Екі жаққа да тиімді шешім. Сот шешімі тараптардың бірі үшін ұтымды, екінші үшін тиімсіз болуы мүмкін. Ал медиацияда-екі жақтың да мүддесі ескеріледі.
Қарым-қатынасты сақтау. Туыстар, көршілер, әріптестер арасындағы дау медиация арқылы шешілсе, арадағы қатым-қатынас бұзылмай қалады.
Сонымен қатар Қазақстан Республикасы Жоғарғы Соты мен Мемлекеттік медиация орталықтары сот медиациясын кеңінен насихаттап, оның қолдану аясын жыл сайын кеңейтіп келеді.
Сот Медиациясы –бұл дауласудың емес, келісудің жолы. Ол қоғамда бейбітшілік пен татулықты нығайтады, азаматтардың құқықтық мәдениетін арттырады. Әрбір тарап дауды өзара түсіністік арқылы шешуге тырысса, тек өзіне ғана емес, қоғамға да үлес қосады. Сондықтан құқық қорғау органдары мен азаматтардың бұл тетікке сенімі артып, қолданыс аясы жылдан жылға кеңейіп келеді.
БҚО, Казталов аудандық соты әкімшісінің басшысы Қаженов Руслан Сайфетдинұлы
[xfvalue_img]
98 пікір