*Жоғарғы Сот қылмыстық істі қайта қарауға жіберді*
◾️ Жоғарғы Соттың қылмыстық істер жөніндегі сот алқасы ағайынды Ел. және Ер.-ге қатысты қылмыстық істі қарады.
◾️ Сот үкімімен олар ҚК-нің 297-бабы 3-бөлігі1),3) тармақтарымен сотталған (адамдар тобының алдын ала сөз байласуымен есірткі затын өткізу мақсатында заңсыз сақтаған). Ел.-ге 11 жыл 3 айға, Ер.-ге 10 жылға бас бостандығынан айыру жазасы тағайындалған.
◾️ Апелляциялық саты сот үкімін өзгеріссіз қалдырған.
◾️ Сот алқасы іс материалдарын зерделей келе, келесідей қорытындыға келді.
◾️ Іс материалдарына сәйкес, сотталғандар отырған автокөліктің жүк салғышынан марихуана салынған 4 пакет табылған.
ҚПК-нің 19-бабына сәйкес, айыптау үкімі болжамдарға негізделмеуге тиіс және ол анық дәлелдердің жеткілікті жиынтығымен расталуы керек. Іс бойынша туындаған барлық болжамдар зерттелуі қажет.
◾️ Алайда, заңның бұл маңызды талаптары орындалмаған. Сотталғандардың бір автокөлікпен жүргенін сот алдын-ала сөз байласқан деп тұжырымдаған, алайда, ол анық дәлелдердің жеткілікті жиынтығымен бекітілмеген.
◾️ Сотталғандар бірінші күннен бастап, бұл қылмысқа Ер.-дің қатысы жоқ екендігін, ол көлікте есірткі заттарының барын білмеген деп көрсеткен. Айыптауда көрсетілген, есірткі заттың іздері бар Ер.-ге тиесілі күртеше автөкөлікте болған алу тергеу әрекетінен соң, екі күннен соң алынған.
◾️ Алу тергеу әрекеті өткізу барысында ҚПК-нің 199, 254, 256-баптарының талаптарысақталмаған, оларға қатысты алынатын заттар мен құжаттар қатысып отырған адамдарға көрсетіледі, алу орнында қапталып, мөрленеді және оған қатысып отырған басқа адамдардың қойған қолдарымен куәландырады және бұл әрекеттер алу хаттамасында көрсетілуі тиіс.
◾️ Сонымен бірге, алу хаттамасында күртеше кімге тиесілі екені көрсетілмеген. Бейнажазба бойынша автөкөлікте өткізілген тінту тергеу әрекеті кезінде Ер.-дің үстінде күртеше болмаған.
◾️ Жоғарыда айтылғандардың негізінде, сот алқасы адвокаттардың өтінішхаттарын қанағаттандырды және сот актілерін бұзып, істі жаңа сот қарауына жіберді.
[xfvalue_img]
93 пікір