Жоғарғы Сот ақтау үкімін күшінде қалдырды
◾️ Жоғарғы Соттың қылмыстық істер жөніндегі сот алқасы ҚК-нің 345-1-бабының 3-бөлігі бойынша Б.Юсуповқа қатысты қылмыстық істі қарады.
◾️ Апелляциялық сатының өзгеріссіз қалдырған сот үкімімен Юсупов кінәсіз деп танылып, оның әрекетінде қылмыстық құқық бұзушылық құрамының болмауына байланысты ақталған.
◾️ Сот алқасы істі зерделеп, мынадай қорытындыға келді.
◾️ ҚПК-нің 19-бабына сәйкес, соттың айыптау үкімі болжамға негізделуі мүмкін емес.
◾️ Жол-көлік оқиғасы мен көліктің аударылуы салдарынан жәбірленуші қайтыс болып, Юсупов дене жарақатын алғаны анықталды. Екеуі де көліктің сыртынан табылды.
◾️Куәгердің, жәбірленуші мен сотталушының ортақ танысының айғақтарына сәйкес, жәбірленуші өзінің қызметтік көлігіне отырып, кездесу орнынан шығып кеткен (одан кейін барып жол апатына ұшыраған), ал сотталушы алдыңғы жолаушы орындығында болған.
◾️ Куәгер бұл айғақты тергеудің басынан-ақ берген.
◾️ Барлық жауап алу кезінде сотталушы өзінің жолаушы екенін, ал көлікті жәбірленуші жүргізгенін айтқан.
◾️ Жүргізушінің сол жақ қалтасынан жәбірленушіге тиесілі құжаттар табылған.
◾️ Сарапшының қорытындысына сәйкес, көліктің жылдамдығы 188 км/сағаттан асқан.
◾️Іс бойынша жәбірленуші 34 реттен астам, оның ішінде 23 рет белгіленген жылдамдықты асырғаны үшін әкімшілік жауапкершілікке тартылғаны туралы деректер бар.
◾️ Алынған жарақаттарға сүйене отырып, сот-медициналық сарапшылар көлік жүргізген Юсупов деген қорытындыға келген прокурордың наразылығы негізсіз.
◾️ Жүргізілген сараптамалар тек ықтималдық пайымдауларды қамтиды.
◾️ Сарапшылардың өздері сотта салыстырмалы ұстаным туралы біржақты қорытынды үшін жәбірленуші мен Юсуповке жүргізуші мен жолаушы орындарында отырғанда нақты дене жарақаттары болмағанын айтқан.
◾️ Осылайша, айыптауды жоққа шығаратын өзге де дәлелдер болған жағдайда, тек сарапшылардың болжамды қорытындылары сотталушының кінәсін растау үшін жеткіліксіз.
◾️ Жоғарыда айтылғандардың негізінде сот алқасы прокурордың наразылығын қанағаттандырмай, соттың ақтау үкімін өзгеріссіз қалдырды.
[xfvalue_img]
