Тілді құрметтеу парызың
Қазіргі қоғамның талаптарына сәйкес мемлекеттік қызметші мемлекеттік тілді еркін меңгеруі тиіс. «Тіл туралы» заңның 9-бабында «Мемлекеттік органдардың актілері мемлекеттік тілде әзірленеді және қабылданады, қажет болған жағдайда оларды әзірлеу мүмкіндігінше басқа тілге аударуды қамтамасыз ете отырып, орыс тілінде жүргізілуі мүмкін. Мемлекеттік тіл Қазақстан Республикасы мемлекеттік органдарының, ұйымдарының және жергілікті өзін өзі басқару органдарының жұмыс және іс қағаздарын жүргізу тілі болып табылады, орыс тілі ресми түрде қазақ тілімен қатар қолданылады. Азаматтардық өтініштері мен басқа да құжаттарға қайтаратын жауап мемлекеттік тілде немесе өтініш жасалған тілде беріледі. Қазақстан Үкіметі мемлекеттік тілді дамытудың 2023-2029 жылдарға арналған тұжырымдамасын бекітіп, оған сәйкес қазақ тілі мемлекеттік қызмет саласының негізгі жұмыс тіліне айналды. Тұжырымдаманы іске асыру барысында мемлекеттік қызметшілерді қазақ тілін меңгеруге міндеттейтін талаптар әзірленді. Бұл ретте мемлекеттік қызмет саласының негізгі жұмыс тілі мемлекеттік тіл болады.
Мемлекеттік тілдің сот жүйесіндегі қоланысын қалыптастыру аса маңызды. Ырғыз аудандық сотында құжаттардың мемлекеттік тілде сапалы дайындалуына назар аударылып отырады. Қазіргі кезде ішкі құжат айналымындағы жұмыстарды ұйымдастыру мемлекеттік тілде жүргізіліп, ол бойынша құжат әзірлеу мемлекеттік тілде орындалуда және мемлекеттік тілді қолдану мәселесіне байланысты іс-шараларды ұйымдастыру жүйелі түрде жолға қойылған.
Сондықтан кез келген мекеменің беделін арттыру үшін кеңсе қызметінің дұрыс ұйымдастырылуы және кеңседен жіберілетін құжаттардың сауатты болуы басты шарт. Сөздің түйіні тілге деген құрмет- халыққа деген құрмет. Тілсіз халықтың, елдің өмір сүруі мүмкін емес. Бүкіл әлем таныған ел болу үшін тіліміздің жұлдызын биіктетуіміз керек.
Ақтөбе облысы Ырғыз аудандық сот әкімшісінің орынбасары Г.Б.Тулегенова
[xfvalue_img]
