Сыбайлас жемқорлық — қоғам дерті
Сыбайлас жемқорлық (коррупция) — кез келген мемлекеттің саяси-экономикалық дамуына нұқсан келтіретін, заң үстемдігін әлсіретіп, азаматтардың билікке деген сеніміне селкеу түсіретін қауіпті құбылыс.
Қазақстан Республикасының даму жолындағы басты басымдықтардың бірі — осы дерттің тамырына балта шабу.
Жемқорлықпен күрестің заңнамалық негізі Қазақстанда сыбайлас жемқорлыққа қарсы іс-қимыл жүйелі түрде жүргізіліп келеді. Оның негізгі тірегі — «Сыбайлас жемқорлыққа қарсы іс-қимыл туралы» ҚР Заңы және ҚР Қылмыстық кодексінің тиісті баптары (361, 362, 366, 367-баптар).
Бұл бағытта мемлекеттік саясат тек жазалауға емес, ең алдымен жемқорлықтың алдын алуға (превенцияға) және оның пайда болу себептерін жоюға бағытталған. Негізгі салдары қандай?
Экономикалық шығын: Мемлекеттік бюджет қаржысының тиімсіз жұмсалуы және көлеңкелі экономиканың өсуі.
Әлеуметтік әділетсіздік: Азаматтардың тең құқықтылығының бұзылуы, мемлекеттік қызметтердің қолжетімділігінің төмендеуі.
Халықаралық имидж: Елдің инвестициялық тартымдылығы мен халықаралық рейтингтердегі позициясының нашарлауы.
Сыбайлас жемқорлықты тек заң деңгейінде немесе құқық қорғау органдарының күшімен ғана жеңу мүмкін емес. Оған қарсы қоғамда «мүлдем төзбеушілік» (нулевая терпимость) мәдениеті қалыптасуы қажет.
Әрбір азамат өз құқықтарын біліп, заң талаптарын қатаң сақтағанда ғана біз жемқорлықтан азат, әділетті қоғам құра аламыз.
Ақмола гарнизоны әскери сотының судьясы А.М.Каиров
[xfvalue_img]
