«Республика –ел ертеңі»
Республика күні –Тәуелсіз елдің ұлы мейрамы.
Жыл сайын 25 қазан күні Қазақстанда Республика күні кең көлемде аталып өтеді. Бұл-елдің егемендікке қол жеткізудегі алғашқы әрі маңызды тарихи қадамына арналған мереке. Біз үшін Тәуелсіздігіміздің алтын тұғыры саналатын, елдігіміздің бастауы саналатын Республика күнінің маңызы зор. Себебі 1990 жылы дәл осы күні Қазақ Кеңестік Социалистік Республикасы өз егемендігін жариялап, Қазақстанның мемлекеттік тәуелсіздікке бастар жолы басталды. Бұл тарихи құжат еліміздің болашағын айқындап берген маңызды шешім болды.
Республика күні-бұл тек мейрам ғана емес, бұл ел болып қалыптасудың, тәуелсіз мемлекет құрудың бастауы. Бұл-еркіндікке ұмтылған халықтың жігері мен бірлігінің жемісі. Бүгінгі Қазақстан-сол егемендіктің арқасында өз бағыты бар, айқын болашағы бар мемлекетке айналды.
Бүгінгі ұрпақ-Тәуелсіз Қазақстанның азаматы. Сондықтан бізге жүктелер міндет-еліміздің жетістіктерін еселеу, ұлттық бірлікті сақтау және болашақ ұрпаққа жарқын мемлекет қалдыру.
Республика күні – еліміздің игілігі, баға жетпес құндылық.
БҚО, Сырым аудандық соты әкімшісінің бас маманы Г.К.Нұрабалиева
[xfvalue_img]
7 пікір