Сот мемлекеттік мекемеге үйдің жартысын талап қоюшыға тіркеуге міндеттеді
Жетісу облысы Қаратал ауданының тұрғыны Үштөбе қаласынан әйелімен ортақ меншік ретінде тіркелген тұрғын үйді сатып алған.
◾ Неке бұзылғаннан кейін ерлі-зайыптылар мүлікті бөлу туралы сотқа талап қоюмен жүгінген.
◾ Алматы облысы (қазіргі Жетісу облысы) Қаратал аудандық соты тұрғын үйді бұрынғы күйеуінің атына жер телімімен қалдырып, оны бұрынғы әйеліне үйдің жарты құны – 940 мың теңгеден астам соманы төлеуге міндеттеген.
◾ “Азаматтарға арналған үкімет” мемлекеттік корпорациясының филиалы үйдің даулы жартысын талап қоюшының атына тіркеуден бас тартқан, содан кейін ол бұл шешімге келіспей, сотқа шағымданған.
◾ МАӘС-ы істі қарай келе, үй мен жер телімі бұрын ерлі-зайыптылардың ортақ меншігі ретінде тіркелгендіктен, мүлікті тіркеуден бас тартқан мемлекеттік органның әрекетін заңсыз деп тапқан.
◾ Талап қоюшы ұсынған, оның бұрынғы әйеліне тиесілі мүліктің екінші жартысына құқығын растайтын құжаттар мүлікті бөлу туралы сот шешімінің орындалғанын куәландырады.
◾ Осыған байланысты сот «Азаматтарға арналған үкімет» мемлекеттік корпорациясы филиалына сот актісі заңды күшіне енген күннен бастап бір ай ішінде үйдің жартысын мемлекеттік тіркеуден өткізуді міндеттеді.
◾ Мемлекеттiк орган осы мiндеттеменiң орындалғаны туралы сотқа хабарлауға мiндеттi.
◾ Сот шешімі көрсетілген мерзімде орындалмаған жағдайда, сот жауапкерге орындауға жататын бір айдан аспайтын уақытты көрсете отырып, 50 АЕК мөлшерінде ақшалай айыппұл салуға құқылы.
◾ Қаулы заңды күшіне енді.
[xfvalue_img]
