Жемқорлыққа қарсы

«Сыбайлас жемқорлыққа қарсы күрес туралы» Заң қабылданғаннан бері он жылдан астам уақыт ішінде, сыбайлас жемқорлыққа қарсы іс-әрекеттер дәйектілікпен жүзеге асырылып, осы бағыттағы шаралар мен көкейкесті мәселелерді шешуде заңдылықты жетілдіру жұмыстары тұрақты түрде жүргізіліп келеді.

Сот қызметкерлері арасында сыбайлас жемқорлыққа қарсы күрес туралы түрлі шаралар іске асырылып жатыр, ең алдымен әр судья немесе сот қызметкері сыбайлас жемқорлыққа жол бермеулері керектігін, сыбайлас жемқорлықтың алдын алуға толық ат салысу керектігін айта келе, бөгде бейтаныс адамдармен қарым-қатынасқа түспеуге, әсіресе сот өндірісімен қаралып жатырған істер бойынша тараптармен байланыста болмауды, байланыс жасамауды, сонымен қатар, жұмыстан тыс уақытта өздерін дұрыс ұстап жәнеде көпшілік жерлердегі отырыстарға қатынаспауды барлық сот қызметкерлеріне үнемі ескертіліп келеді.

Барлық сот ғимараттарында судьялар және сот  қызметкерлері үшін өткізу режимдерді қамтамасыз ету жөніндегі қағидалары  туралы семинар сабақтары өткізіліп, сот приставына ғимаратқа кіргізу тәртібін әр кез сақтауды, сот ғимаратының айналасында бөгде адамдардың жүруіне жол бермеуді, сотқа келушілердің барлығын тексеріп, тиісті тәртіппен сот ғимаратына кіргізуге өте мұқият болу керектігін айттылып қатаң бақылауға алынған. Сыбайлас  жемқорлықтын алдын алу мақсатында судьяларға, сот мамандарына қызметтік кабинеттеріне таныстарын, жақындарын немесе бөтен адамдарды және іске қатысушы тараптарды  қабылдауға және олармен қарым-қатынасқа түсуге тыйым салынатыны қатаң түрде ескертіліп, ішкі мәжіліс хаттамасына енгізіліп отырады.

Сотқа келуші азаматтарды сот приставы мен күзет қызметкерлері жеке басын анықтайтын құжаттарымен сәйкестендіріп, сырттай да визуалды мұқият тексеріп, қандай мақсатпен келгенін анықтағаннан кейін ғана сот ғимаратына өткізу тәртібі бойынша өткізу қажеттігі түсіндірілген.

Сондай-ақ,  сот қызметкерлерінің смарт-карточка арқылы кіруге, шығуға құқық берілгені, судьяларға және сот қызметкерлеріне қызметтік қажеттілік болмаған жағдайда түнгі уақытта ғимаратта болуына, аумаққа тиісті рұқсатсыз жеке автокөлік құралдарымен келуге, жұмыстан соң қызметтік үй- жайлардың  терезелерін  ашық қалдыруға, жұмыстан соң компьютерлік және өзге де техникаларды қосылған қалпында қалдыруға, сот ғимаратында мас күйінде болуға  тыйым салынғаны және сот ғимаратына судьялардың, сот қызметкерлерінің смарт- карточка арқылы кіруге, шығуға құқық берілгені  барлық сот қызметкерлеріне қатаң бақылауға алынған.

2018 жылдың наурыз айынан бастап сот ғимаратында бейнебақылау  орналастырылған, осыған байланысты сот қызметкерлердің жұмысқа уақытылы келуі және сот ғимаратының ішіндегі тәртіпті сақтауға міндетті.

Жергілікті соттар бойынша ІІМ Әкімшілік полиция комитетіннің күзет қызметін бақылау басқармасының басшылығы, МҚҚБ және басшылық бөлімшелері тәуліктің кез келген уақытында өткізу және объекті режимді тексеруді жүзеге асырылады.

Сыбайлас жемқорлықты болдырмау және оның жолын кесу мақсатында апта сайын жедел отырысында қызметкерлер арасында қайталанып айтылады. Бұқаралық ақпарат құралдарында да бұл мәселе өзекті болғандықтан жиі мақалалар жолданып тұрады.

Сонымен қатар, сотта орналасқан ақпараттық киоскі арқылы сыбайлас жемқорлыққа қарсы видеороликтер орнатылып, жемқорлықтың алдын-алу шаралары бойынша жұмыстар жүргізілуде.

БҚО мамандандырылған ауданаралық экономикалық сотының

Аға сот приставы Б.Ж. Калакова