Сыбайлас жемқорлық - мемлекетке төнген қауіп

Жемқорлықпен күрес мемлекеттік саясаттың басым бағыттарының бірі.«Адамзатқа ертеден таныссыбайлас жемқорлық – заманмен бірге өсіп-өркендеп, небір тегеурінді қарсылықтарға төтеп беріп, қайда мол қаражат, пайда болса, сол жерге тамыр жайып, бүгінге дейін жойылмай отырған қауіпті кеселдің бірі.Бұл кесел дамушы елдердегідей біздің жас мемлекетімізге де орасан зор нұқсан келтіріп отыр.

Сыбайлас жемқорлықтың жиі бой көрсететін, ең қауіпті түрі-парақорлық. Бірінші кезекте пара берудің себептерін, пара алудың жағдайларын түп-тамырын жою үшін қоғам болып белсенділік танытуымыз қажет. Яғни пара беру де, пара алу да пайдалы болмайтындай, үлкен қылмыс ретінде саналатындай жағдай, қоғамдық сана қалыптасуы қажет. Парақорлық мемлекеттік аппараттың қалыпты қызмет етуіне бөгет болып, билік және басқару органдарының беделіне нұқсан келтіреді, заңдылық қағидаларын жоққа шығарып, азаматтардың конституциялық құқықтары мен заңды мүдделеріне қысымшылық жасайды.

Қазақстан Республикасының 2015 – 2025 жылдарға арналған сыбайлас жемқорлыққа қарсы стратегиясына орай, сыбайлас жемқорлықпен күресу әрбір мемлекеттік органдар басшыларының, ел азаматтарының міндеті екендігі атап көрсетілді. Аталмыш заң азаматтардың құқықтары мен бостандықтарын қорғауға, сыбайлас жемқорлық көріністерінен туындайтын қауіп-қатерден еліміздің ұлттық қауіпсіздігін қамтамсыз етуге, жемқорлыққа қатысты құқық бұзушылықтың алдын алуға бағытталған.

 «Сыбайлас жемқорлыққа қарсы күрес туралы» Заң қабылданғаннан бері, сыбайлас жемқорлыққа қарсы іс-әрекеттер дәйектілікпен жүзеге асырылуда. Осы бағыттағы шаралар мен көкейтесті мәселелерді шешуде заңдылықты жетілдіру жұмыстары тұрақты түрде жүргізіліп келеді.

Мысалға айта кететін болсақ, Ақтөбе облысының қылмыстық істер жөніндегі мамандандырылған ауданаралық сотына соңғы 4 жыл ішінде сыбайлас жемқорлыққа қарсы қылмыстық істер түскен жоқ.

Сонымен қатар, «Сыбайлас жемқорлықты» болдырмауды насихаттау мақсатында Ақтөбе облысының қылмыстық істер жөніндегі мамандандырылған ауданаралық сотының қызметкерлерімен  іс шаралар өткізіліп отырады.

 Соның ішінде, сот қызметкерлерімен басқа мекемелерде «Сыбайлас жемқорлыққа қарсы күрес –баршамызға ортақ іс», «Сыбайлас  жемқорлыққа қарсы күрес саясатын іске асыру», «Жемқорлық және онымен күресу әдістемесі» тақырыптарында дәрістер оқылылып, сот судьяларымен «Сыбайлас жемқорлыққа қарсы күрес» тақырыбында сұхбаттар беріліп тұрады.

 Сот қызметкерлері арасында «Сыбайлас жемқорлыққа қарсы күрес» тақырыбында дөңгелек үстел, жедел кеңес және семинар сабақтары жиі өткізіліп отырады.

Ақтөбе облысының

қылмыстық істер жөніндегі мамандандарылыған      

ауданаралық сотының бас маманы                                

Дамира Садықова