Сот жүйесіндегі жаңа технологияның дамуы
Қазіргі таңда заманауи ақпараттық технологияны сот жүйесіне енгізу және оны одан әрі жетілдіру сөзсіз сот билігінің беделін жоғарылатып, халық сенімін арттыруға өз септігін тигізері анық. Сот жүйесіндегі заманауи ақпаратық технологиялар арқылы электронды іс қағаздарын жүргізу бойынша үлкен жұмыстар атқарылып жатыр. Мысалғы, «Smart Sud» арқылы оның ішінде өзінің қалта телефонын пайдалана отырып жер бетінің қай түкпірінде болмасын, бейне бақылау құрылғысы арқылы сот отырысына қашықтықтан қатысу мүмкіндігі бар.
Сотқа қандай да болмасын талаппен жүгінісі келетін азаматтар үйінен шықпай-ақ «Сот кабинеті» арқылы талап арыз беруіне мүмкіндіктері бар. Аталған қызметтің мобильдік нұсқасы бар. Бұл сервис сот өндірісін жеңелдетумен бірге саладағы ашықтықты қамтамасыз етеді. Яғни, сот кабинетіне кіру үшін Қазақстан Республикасының Ұлттық куәландырушы орталығынан электронды сандық қолтаңба алу жеткілікті. Сонымен қатар ҚР Жоғарғы Сотының жанындағы Соттардың қызметін қамтамасыз ету департаменті «Сот кабинеті» сервисіне QR-кодтарының жаңа технологиясын енгізген болатын. QR-код арқылы авторизациялау сервисін енгізу аталған ресустарды пайдалану процесін жеңелдете түспек. Халыққа ыңғайлы болу үшін сервистегі авторизациядан өту және ұсынылатын құжаттарға қол қою тетігі өзгертілді. Енді авторизациядан өту және құжаттарға қол қою үшін EGOV мобильді қосымшасының Face ID және Touch ID арқылы кіру мумкіндігі бар.
Ендігі күні азамат пен заң өкілдері QR-код арқылы элеткронды құжаттардың заңдылығын құра алады. QR-кодты тексеру үшін сізге мобильді сот кеңсесінің соңғы нұсқасын орнату қажет және арнайы функция арқылы QR-кодқа сканерлеу өткізу керек. Осыдан кейін смартфонның экранында барлық керекті атрибуттармен элеткронды нұсқа шығады.
Тағы бір ауқымды ақпараттық технологияға келсек, ол соттағы электронды шақырту қағаздары. Бұл ақпараттық технология қарапайым халық мүддесіне қызмет атқарып жатыр деп айтуға болады. Кезінде почта арқылы немесе қолма-қол жөнелту қажет болса, ал, қазіргі таңда SMS хабарламасын ұялы байланыс нөмері арқылы жолдау уақытты үнемдеумен қатар, жұмыстың оңтайлы ұйымдастырылуын қамтамасыз етіп отыр.
Сот жүйесінде жана технологиялардың өркендеуі, дамуы және оның пайдалынуы сот ісін жүргізуді жеңелдететіні рас. Бұл тиімді әрі қолайлы өзгеріс.
Мұғалжар аудандық соты
[xfvalue_img]
