Мұра қалдырушының міндеттері мұрагерге өтті
Қазақстан Республикасы Азаматтық кодексінің (бұдан әрі – АК) 1040-бабының 1-тармағына сай мұраның құрамына мұра қалдырушыға тиесiлi мүлiк, сондай-ақ оның қайтыс болуына байланысты қолданылуы тоқтамайтын құқықтары мен мiндеттерi кiредi.
АК-ның 1081-бабына сай мұра қалдырушының кредит берушiлерi өздерiнiң мұра қалдырушының мiндеттемелерiнен туындайтын талаптарын өсиеттi орындаушыға (мұраны сенімгерлікпен басқарушыға) немесе әрбір мұрагерге ауысқан мүлiк құнының шегiнде ортақ борышқорлар ретiнде жауап беретiн мұрагерлерге қоюға құқылы.
Азамат Ш. кредитор К.-ның алдында 17 миллион теңгеден астам ақша сомасын қайтаруға міндеттенді.
Міндеттемелер тиісті түрде орындалмаған.
2015 жылғы 29 сәуірде сот бұйрығы шығарылды. Берешек мұра қалдырушыдан өндіріліп алынды. Атқарушылық іс жүргізу шеңберінде борышкерлікті оның ағасына ауыстыру жүргізілді (Б). Соңғының өтініші бойынша 28 жылғы 2020 желтоқсанда сот бұйрығының күші жойылды.
Б. «А» ЖШС-нің 100% үлесі түріндегі мұраны қабылдап алды, ол С. кредиторының алдындағы берешекті және зейнетақы жинақтарын өтеу есебіне берілді.
Осылайша, мұрагер Б.-ға мұрагерлік тәртібімен тек мұрагерлік мүлік қана емес, сонымен бірге несие беруші К.-нің алдында пайда болған мүліктік міндеттер де өтті.
Осы іс бойынша Алматы аудандық соты мұрагерден қарыз сомасын «А» ЖШС үлесінің кредитор С.-ға ауысуын ескере отырып, зейнетақы төлемдерінің алынған сомасы шегінде ғана өндірді.
Шешім заңды күшіне енді.
⠀
Нұр-Сұлтан қаласы Алматы аудандық сотының судьясы Сейтхожина Гульнур
[xfvalue_img]
