Мемлекеттік қызметші - абыройлы лауазым
Дана халқымыз «Білегіңе сенбе, біліміңе сен»- деп бекер айтпапты. Мемлекетке, елге адал қызмет ету қай сала мамандарына болсада міндет, парыз. «Тура биде туған жоқ, туғанды биде иман жоқ» дегендей, мемлекеттік қызмет әділдікті, туралықты, көптің тілін таба білетін мейірбандықты да талап етеді.
Сот саласында кызметкерлерден қарапайым халық сыпайылықты, ізеттілікті, кішіпейілділікті талап етеді. Мемлекеттік қызметші осындай түрлі тағдыр иелеріне қамқоршы, жөн сілтер ақылшы, заң шеңберінде қызмет етуші болуды жөн деп есептейді. Әдеп, ар-намыс кодекстерін негізге ала отырып, білмегенге білгенін айту, тура жолды нұсқау, кішіпейіл болу мемлекеттік қызметкер абройын арттырмаса еш кемітпейді.
Сот саласы мамандарына еңбек тәртібін қатаң сақтап, қызметтік міндеттерін атқару барысында мемлекеттік биліктің беделін нығайту үшін аянбай еңбек етуді талап етеді.
Қазіргідей күрделі кезеңде сот саласының мемелкеттік қызметкерлері IT технологиялардың көмегімен қашықтан жұмыс істеп, сот жүйесі өз жұмысын еш қиындықсыз жалғастырып келеді. Бұл еліміздегі сот жетістігі деп атауға болады.
Әкімшілік құқықтың құрамдас бөлігі мемлекеттік қызмет болып табылады. Мемлекеттік қызмет – мемлекеттің айнасы. Әрбір мемлекеттік қызметшілер өздерінің сырт келбетіне, іскерлік әдептілік пен мінез-құлық қағидаларына қатты мән беруге тиіс. Мемлекеттік қызметші күнделікті жұмысына қарапайымдылық, әділдік, адалдық сияқты прициптерді ұстану керектігі басты орында тұрады. Мемлекеттік қызметкерге дөрекі сөз, әдепсіз қылық, сауатсыз кеңес көрсету - сын.
Мемлкеттік қызметші Әдеп кодексін басшылыққа алып, мемлекеттік қызметшінің беделін, мәртебесін түсірмеуді үнемі назарда ұстауы тиіс.Сыпайы, өзінің лауазымдық артықшылығын алға тартпайтын және оны жеке басының пайдасы үшін қолданбайтын адал болуы – абырой.
Н.Жакупова, Жаңақала аудандық соты жетекші маманы
[xfvalue_img]
