Судьялардың әдебі
«Тура биде туған жоқ, туғанды биде иман жоқ» деп ертеде билеріміз айтқан. «Елге бай құт емес, би құт» деп ғұлама бабаларымыз айтып кеткен. Судья болу мақтаныш жоғары мәртебе емес деп әр судья өзін санау керек, себебі ол адамдардың тағдырын шешеді, даулар туындайтын істер қарайды. Қандайда санаттағы істер қарағанда, судья екі жақтың тараптарына бірдей көзқараспен қарап, істің нәтижесіне келгенде заң бойынша шешу қажет. Сот билігіне жүгінген адамның тағдыры судья шығарған шешімге тікелей байланысты.
Судья өзінің жұмысын атқарып жүргенде Судьялық әдеп кодексінің талаптарын орындау керек.
Сонымен қатар, өзі істеп жүрген ұжымында моральдық, психологиялық климат, сот қызметкерлерінің өз-ара қарым-қатынасы, адами сыйластығы жоғары деңгейде болу қажет. Судья – намысты, иманды азамат болу керек, жан-жақты ойланатын адам болу керек және де судьяның өзіндік пікірі болуға тиіс.
Судьялық әдеп кодексінің талаптарына сай, судьялардың қызметтегі және қызметтен тыс уақыттағы мінез-құлқы мен жүріс-тұрысының нормалары бекітілген. Бұл құжат жалпы ережелер мен судьяның кәсіби міндеттерін атқарғанда, сонымен қатар, жұмыстан тыс уақытта әдеп принциптерін сақтауды белгілеп, сапалы, кәсиби, жоғары рухани принциптерге ие судьялар корпусын жасақтаудың негізі болып табылады.
Бір сөзбен айтқанда кодекстің бір түпкілікті талабы судья таза, мінсіз судья болуы қажет.
Судья-сот жүйесіндегі басты тұлға, мәртебесі биік, мемлекеттік лауазымға ие адам. Судьяның осындай биік мәртебесі оған зор жауапкершілікті жүктейді.
Судьялық әдеп кодексінің талаптарын сақтаған судья әділетті шешім қабылдайды деп тұжырым беруге болады. Ондай судья қашанда қайсарлық танытатын тұлға болу қажет.
Мұғалжар аудандық сотының судьясы А.Е.Мусина
[xfvalue_img]
