Жаңа Заң ел игілігі үшін
Мұғалжар аудандық сотында Қазақстан Республикасының Әкімшілік рәсімдік-процестік кодексі дөңгелек үстелде талқыланды.
Іс-шараға сот төрағасы, аудандық прокуратура, аудандық әкімдік, кәсіпкерлік және ауылшаруашылығы бөлімінің өкілдері, кәсіби медиатор қатысты.
Сот төрағасы Абитхан Анарбаев өз сөзінде, 2021 жылдың 1 шілдесінен бастап қолданысқа енгізілетін Әкімшілік рәсімдік процестік кодексі мемлекеттік органдардың ішкі әкімшілік рәсімдерін, әкімшілік рәсімдерді жүзеге асыруға байланысты қатынастарды, сондай-ақ әкімшілік сот ісін жүргізу тәртібін реттейтінін, азаматтардың құқығын сапалы қорғап, заң үстемдігін сақтаудың кепілі болатынын атап өтті.
Жаңадан қабылданған кодекс азаматтардың құқығын қорғаумен қатар мемлекеттік орган мен жеке және заңды тұлғалар арасындағы туындаған дауларда теңсіздікті жоюға бағытталғандығын, дау айту жөніндегі талап қою бойынша дәлелдеу талап қоюшыға емес, актіні қабылдаған органға, жауапкерге жүктелетіндігін, яғни енді арызданған азаматтар емес, әкімшілік орган өзінің дұрыстығын дәлелдеуге міндетті болатынын түсіндірді.
Дөңгелек үстелге қатысушылар жаңа кодекстің жаңа қағидаларын талқылап, жүзеге асыру бойынша пікір алмасты.
Мұғалжар аудандық сотының баспасөз қызметі
[xfvalue_img]
