Жаңа әкімшілік рәсімдік-процестік кодексі
Елімізде сот төрелігінің бір жүйесі ретінде әкімшілік әділет институты енгізілді, яғни Әкімшілік рәсімдік-процестік кодексі.
Кодексте ұлттық заңнама үшін жаңа негіздер мен қағидаттар айқындалған, оның ішінде соттың тараптардың берген дәлелдерімен шектеліп қалмай, шындықты айқындау үшін қажет деп санаған барлық жағдайды зерттеуі, дәлелдер жеткіліксіз болса судьяның өз еркімен оларды жинауы, әкімшілік органның өзінің дұрыстығын дәлелдеуге міндеттілігі, ал тараптардың тұтастай сотқа талап етілген барлық құжаттар мен материалдарды беруі. Кодекстің өзге де прогрессивті жаңалықтары бар. Мәселен, әкімшілік актілерді қолайлы және ауыртпалықты деп саралау. Бұл қолайлы актілерді қабылдауда әкімшілік рәсімдерді оңтайландыруға, сонымен қатар ауыртпалықты актілерді қабылдауда құқықтық кепілдіктерді күшейтуге мүмкіндік береді. Өз кезегінде тұлғаның әкімшілік органдармен өзара байланыстағы мәртебесі, оның рәсімге қатысу құқығы, өз ұстанымын баяндауы, актіні қабылдағанға дейін қосымша материалдарды ұсынуы айқындалып отыр. Бастысы, кодекс бұған дейін болмаған бастамашылықтың, әкімшілік актіні қарап, қабылдаудың бірыңғай нақты рәсімін бекітеді.
Әкімшілік әділетті құқық институты, заңдар үстемдігін қамтамасыз етудің кепілі ретінде қарастырып отыр. Бұл институт мемлекеттік басқару рәсімдеріне тұрғындарды көптеп тартуды көздейді. Сонымен қатар, сот төрелігінің ашықтығына, сапасына, сот жүйесіне деген сенімнің жаңа деңгейіне жеткізеді.
Мұғалжар аудандық сотыныңт өрағасы А.Т.Анарбаев
[xfvalue_img]
