Кофе мен пиццадағы «Заң мен тәртіп»: СҚО полицейлері ерекше акция өткізді
https://youtube.com/shorts/3jCVSzOJIDM?feature=share
Солтүстік Қазақстан полицейлері кәсіпкерлерді «Заң мен тәртіп» қағидатын ілгерілетуге атсалысуға шақырды. Олар танымал брендтердің өнімдеріне осы қағидаттың символикасы мен күнделікті өмірдегі қауіпсіздікке қатысты қарапайым ескертулері бар стикерлер жапсырды.
Акция Ішкі істер министрлігі басшылығының бастамасымен өткізіліп жатыр. СҚО-да ол «Құқықтық тәртіп» жедел-профилактикалық іс-шарасының алғашқы күнінде басталды. Негізгі мақсат — тұрғындарға, әсіресе жастарға, Заң мен тәртіп әр адамның күнделікті іс-әрекетінен басталатынын еске салу. Сондықтан акцияда жасөспірімдер арасында танымал өнімдер таңдалды.
«Оңтүстік» бақылау-өткізу бекетінде полицейлер жүргізушілерге «Заң мен тәртіп» логотипі бейнеленген кофе ұсынып, жол қозғалысы ережелерін қатаң сақтаудың маңызын еске салды.
Кофе стақанындағы немесе пицца қорабындағы бірнеше сөз ғана. Алайда полицейлер бұл қысқа ескертулер адамдарға бір сәт ойланып, басты нәрсені еске түсіруге себеп болады деп есептейді: қауіпсіздік әр адамның жеке жауапкершілігінен басталады.
Игорь Мерцалов
[xfvalue_img]
