IF DESIGN AWARD 2026 ХАЛЫҚАРАЛЫҚ БАЙҚАУЫНДА CANON СЕГІЗ МАРАПАТҚА ИЕ БОЛДЫ

Алматы, Қазақстан, 18 наурыз  2026 жыл — Canon беделді iF Design Award 2026 халықаралық байқауында сегіз марапатқа ие болғанын хабарлады. Бұл байқауды жыл сайын iF International Forum Design GmbH өткізеді. Компания өнімдері бұл марапатқа қатарынан 32 жыл бойы ие болып келеді, бұл Canon-ның өнеркәсіптік дизайн мен инженерлік шешімдер саласындағы жоғары деңгейін дәлелдейді.

Марапатқа ие болған әзірлемелер түрлі технологиялық сегменттерді қамтиды. Олардың қатарында: Canon EOS R50 V, Canon PowerShot V1 және Canon RF-S 7.8mm F4 STM DUAL.

Canon EOS R50 V камерасы — компания белсенді дамытып жатқан EOS R жүйесінің бір бөлігі. 2025 жылы Canon APS-C матрицасы бар осы модельді ұсынып, EOS V сериясының алғашқы камерасын таныстырды. Бұл серия видеоконтент жасаушылар мен креативті видеотүсірілімге бағытталған. Сол жылы кеңейтілген фото және видео мүмкіндіктерін біріктіретін толықкадрлы айнасыз Canon EOS R6 Mark III камерасы да шығарылды.

Тағы бір марапат иегері — Canon PowerShot V1, ол PowerShot желісінің дамуын жалғастыруда. Бұл серияның тарихы 1996 жылы шыққан Canon PowerShot 600 моделінен басталады. Осы уақыт ішінде серия айтарлықтай дамып, 2001 жылы Canon PowerShot Pro90 IS моделінде оптикалық тұрақтандыру жүйесі енгізілді, ал G сериялы камераларда RAW форматында түсіру мүмкіндігі пайда болды. Жаңа PowerShot V1 моделі — кіріктірілген салқындату жүйесі бар Canon-ның алғашқы ықшам камерасы. Бұл 4K форматында бейнені ұзақ уақыт жазуға мүмкіндік береді.

Сондай-ақ марапатқа ие болғандар қатарында Canon EOS C400 және Canon EOS C50 бар. Өнеркәсіптік сегментте жапсырма басып шығаруға арналған LabelStream LS2000 және Colorado XL-series (Canon Production Printing Netherlands B.V. әзірлеген) атап өтілді.

Ерекше марапатқа Aquilion Rise ие болды. Canon Medical Systems Corporation әзірлеген бұл құрылғы байқаудың ең жоғары марапаты — iF Gold Award жүлдесін алды.

iF Design Award туралы

iF Design Award — 1953 жылы құрылған, дизайн саласындағы ең беделді халықаралық марапаттардың бірі. Сыйлық өнеркәсіптік дизайндағы үздік жетістіктер үшін беріледі. 2026 жылы халықаралық қазылар алқасы 68 ел мен өңірден келген 10 000-нан астам өтінімді қарады. Жобалар тоғыз бағыт бойынша бағаланды: өнім дизайны, қаптама, брендинг және коммуникациялар, сервис-дизайн, сәулет, интерьер дизайны, концепциялар, пайдаланушы тәжірибесі және пайдаланушы интерфейсі.