Заң мен тәртіп: СҚО-да азаматтық қорғау органдарының өкілдеріне Integrity check туралы айтылды
ҚР Сыбайлас жемқорлыққа қарсы іс-қимыл агенттігінің СҚО бойынша департаменті «Заң мен тәртіп» нарративін ілгерілету шеңберінде Солтүстік Қазақстан облысы Төтенше жағдайлар департаментінің жеке құрамымен кездесу өткізді, оған БКБ арқылы аудандық бөлімшелердің өкілдері де қатысты.
Азаматтық қорғау органдарының өкілдеріне Сыбайлас жемқорлыққа қарсы саясат тұжырымдамасының негізгі ережелері, сыбайлас жемқорлыққа қарсы іс-қимыл шаралары, сондай-ақ сыбайлас жемқорлыққа қарсы іс-қимылдың тиімділігін арттыруға арналған, жоспарланған жаңашылдықтар жеткізілді.
Солардың бірі – Іntegrity check парасаттылықты тексеру институты. Сыбайлас жемқорлыққа бейімділікті тестілеуді енгізу жосықсыз қызметшілерді уақытында анықтауға және жұмыстан шығаруға, сонымен қатар олардың сыбайлас жемқорлық әрекеттерінен қоғамға нұқсан келтірмеуге мүмкіндік береді.
Спикер Департамент басшылығын жеке құрамның тазалығына ерекше назар аударуға шақырды және бағыныштылардың сыбайлас жемқорлығы үшін бірінші басшылардың дербес жауапкершілігін, сондай-ақ жақын туыстары мен жұбайларының бірлескен қызметі фактілеріне жол бермеуді еске салды.
Семинар аясында қатысушылардың назарына жемқорлыққа қарсы роликтер көрсетіліп, қойылған сұрақтарға толық жауаптар берілді.
[xfvalue_img]
