Елорда прокуратурасы 2024 жылғы жұмыс нәтижелерін қорытындылады
Қазақстан Республикасы Бас Прокурорының орынбасары Ғ.М.Қойгелдиевтің қатысуымен елорда прокуроры Е.Р.Өтегеновтің төрағалығымен Астана қаласы прокуратурасының алқа отырысында 2024 жылғы жұмыс нәтижелері қаралды.
Елордада қылмыс жағдайының төмендеуі байқалды: қылмыс 3,9% (18 041-ден 17 339-ға дейін), соның ішінде ұрлық – 21,3% (4870-тен 3831-ге дейін), қарақшылық – 28,6% (7-ден 5-ке дейін), тонау - 11,3% (80-нен 71-ге дейін), қоғамдық орындарда жасалған қылмыстар - 5% (5439-дан 5165-ке дейін).
Қабылданған шаралар қылмыстың қайталануын 27% (175-тен 128-ге дейін) төмендетті.
Есірткі қылмыстарын анықтау 70% дейін өсті (254-тен 364).
4 интернет-дүкеннің қызметі әшкереленіп, қылмыстық топтың барлық мүшелері анықталды.
4 есірткі зертханасының жұмысы тоқтатылып, 400 кг есірткі тәркіленді, оның 215 кг синтетикалық заттар. Үш кінәлі тұлға сотталды, бір іс сотта.
Азаптаудың алдын алу бойынша жүйелі жұмыстардың нәтижесінде тіркеу фактілері 84% (24-тен 4-ке дейін) қысқарды.
Әлеуметтік-экономикалық салада мемлекетке 2,5 млрд теңге өндірілді. Құны 6,5 млрд теңге болатын мүліктер қайтарылды.
5 мыңнан астам кәсіпкердің құқықтары қорғалды. 75 инвестордың мәселесі шешілді. Инвестиция сомасы 1 трлн теңге.
Проблемалық үлестік құрылыс обьектілерінің саны екі есеге азайтылды (52-ден 24-ке дейін).
Аяқталмаған үйлердегі пәтерлерді заңсыз сатқаны үшін 62 компания әкімшілік жауапкершілікке тартылды.
Жалған құжат арқылы заңсыз тіркелген 15 жылжымайтын мүлік нысаны анықталды. Қылмыскер 4 жылға бас бостандығынан айырылды.
Автотұрақ үшін заңсыз әкімшілік жазаға тартылған 4 636 мүмкіндігі шектеулі азаматтардың (мүгедектердің) құқықтары қорғалды.
5 мың балаға 2,5 млрд теңге көлемінде алимент өндірілді. 19 борышкер сотталды.
Букмекерлік кеңселердің веб-сайттарында 182 млн теңгеге бәс тіккен, 300 млн теңге қарызы бар, 170 алимент борышкерлері анықталды.
Олар үшін онлайн құмар ойындарға тыйым салынды.
Нәтижесінде қоғамдағы құқық және тәртіп идеологиясы қағидатын жүзеге асыру бойынша азаматтардың құқықтарын қорғауға, қылмыстың алдын алуға байланысты 2025 жылға арналған міндеттер мен басымдықтар анықталды.
#Заң_мен_Тәртіп
Астана қаласының прокуратурасы
[xfvalue_img]
58 пікір