АҚПАРАТТЫҚ-АҒАРТУШЫЛЫҚ ШТАБЫ МҮШЕЛЕРІНІҢ ҚАТЫСУЫМЕН КЕЗДЕСУ
Бүгін «Antikor» орталығында ҚР Сыбайлас жемқорлыққа қарсы іс-қимыл агенттігінің Нұр-Сұлтан қаласы бойынша департамент басшысының бірінші орынбасары Бақытжан Ниязовтың және Ақпараттық-ағартушылық штабы мүшелерінің қатысуымен кездесу өтті.
Қоғамда парасаттылық қағидаларын ілгерілету және идеологиялық жұмыстар арқылы қоғамда сыбайлас жемқорлыққа мүлдем төзбеушілікті қалыптастыру мақсатында құрылған Штаб, қазіргі таңда белсенді жұмыстар атқаруда. Қалалық штаб құрамына белгілі қоғам қайраткерлері, ақын, жазушы, ғалым, кино және театр актерлері, қоғам белсенділері енген.
Кездесуде Штаб жұмысының 2021 жылға арналған атқарылатын іс-шаралары талқыланып, елорданың жастарымен, «Саналы ұрпақ» және «Адал ұрпақ» клубтарының белсенді мүшелерімен кездесулер өткізу жоспарланған.
Сонымен қатар, ақпараттық-ағартушылық штаб мүшелерімен әділдік, парасаттылықты дәріптейтін және сыбайлас жемқорлыққа қарсы сипаттағы бейнероликтер әзірлеп, жастар арасында кеңінен тарату ұсынылды.
Қазіргі таңда Штаб мүшелері мемлекеттік органдар және еңбек ұжымдармен, жастармен кездесіп, түсіндіру жұмыстарын жүргізіп жатыр.
[xfvalue_img]
