«TAÝ -KEN SAMURYQ» ULTTYQ TAÝ -KEN KOMPANIASY АҚ ҚАЗАҚСТАННЫҢ ҮШ ОБЛЫСЫНДА ЮНИОРЛЫҚ КОМПАНИЯМЕН БІРГЕ ГЕОЛОГИЯЛЫҚ БАРЛАУДЫ БАСТАЙДЫ
«Taỳ-Ken Samuryq» Ulttyq taỳ-ken kompanıasy АҚ «Discovery Ventures Kazakhstan» ЖШС қазақстандық юниорлық компаниясымен бірлесіп Жамбыл, Қарағанды және Шығыс Қазақстан облыстарының аумағында геологиялық барлаудың басталғаны туралы хабарлайды.
Геологиялық барлау жобасын іске асырудың болжамды мерзімі - 6 жыл, бірінші кезеңде барлық геологиялық барлауды қаржыландыруды «Discovery Ventures Kazakhstan» ЖШС қамтамасыз ететін болады. Келісімшарттық учаскелердің жалпы ауданы шамамен 1500 км2 құрайды. Операторлық келісімде алтын, мыс, мырыш және ілеспе металдарды барлау қарастырылған.
«Қазір отандық минералдық-шикізат базасының ұдайы өндіріс қарқынының айтарлықтай төмендеуі өте маңызды мәселе болып отыр. Қазақстанда орта мерзімді келешекте жаңа кен орындарының болмауы тау-кен саласының құлдырауына әкелуі мүмкін. Тәуекелдің жоғары дәрежесіне қарамастан, біз геологиялық барлау жобаларына кіру туралы шешім қабылдадық. Бұл әлемдік үрдіс, көптеген ірі компаниялар қазір осы жолмен жүруде»,-деп атап өтті «Taỳ-Ken Samuryq» Ulttyq taỳ-ken kompanıasy АҚ Басқарма төрағасы Қанат Құдайберген.
Компаниялардың деректері бойынша, бірінші жыл ішінде олар тарихи деректерді жинау және түсіндірумен, геофизикалық зерттеулермен және геологиялық карталаумен айналысатын болады. Лицензиялық аумақ бойынша ауқымды аэромагниттік түсірілім жүргізу жоспарлануда. Содан кейін геофизикалық зерттеулердің деректері кейінгі жылдарға қажетті геологиялық барлау жұмыстарының көлемін анықтау үшін жан-жақты талданады.
Естеріңізге сала кетейік, «Taỳ-Ken Samuryq» АҚ юниорларды қолдау бағдарламасын жүзеге асыруда. Геологиялық барлауға бағдарланған юниорлық компанияларға «Taỳ-Ken Samuryq» бір терезе қағидаты бойынша жан-жақты жәрдем ұсынады. Мәселе тау-кен секторын дамытуды ынталандыру және минералдық-шикізат базасын молайту жөніндегі міндеттер шеңберінде қаржылық, сараптамалық, маркетингтік және мемлекеттік қолдау туралы болып отыр.
«Taỳ-Ken Samuryq» Ulttyq taỳ-ken kompanıasy АҚ
[xfvalue_img]
58 пікір