АҚМОЛА ОБЛЫСЫНДА АҒАСЫ БАУЫРЫНЫҢ ОРНЫНА ҰБТ ТАПСЫРУҒА ТЫРЫСТЫ
А. ж. 18-20 тамыз аралығында Ақмола облысында Ш. Уәлиханов атындағы Көкшетау мемлекеттік университетінің базасында Ұлттық бірыңғай тестілеу өтті. Ақмола облысында барлығы 531 түлек тестілеуге қатысуға өтініш берді, оның ішінде 440 түлек қатысты.
Естеріңізге сала кетейік, жоғары білім алудың қолжетімділігін арттыру мақсатында ЖОО-ға ақылы негізде түсу үшін түлектер тестілеуді жылына 4 рет тапсыра алады. ҰБТ-ның ашықтығы мен объективтілігін қоғамдық бақылауды жүзеге асыру үшін Білім және ғылым министрлігінің бұйрығының негізінде жұмыс тобына байқаушы ретінде «Адалдық алаңы» жобалық кеңсесінің өкілдері кірді.
Мониторинг барысында аудиторияға кіру кезінде 9 жоюдың фактісі, тестілеу кезінде аудиториядан шығару 3 фактісі анықталды. Себептер – тыйым салынған заттарды алып өтуге және қолдануға тырысу, ҰБТ өткізу ережелерін бұзу.
«Талапкерлерді тестілеуге жіберу кезінде біз бөтен тұлғаны да анықтадық. Тестілеуден өтер алдында түлектердің қолында рұқсат қағазы және сәйкестендіру үшін жеке куәлігі болуы тиіс. Алайда, мектеп түлегі ретінде көрінген жас жігіт екі жеке куәлікпен келді. Кейінірек белгілі болғандай, ол інісінің орнына тест тапсыруға тырысты. Осы факті бойынша тиісті акт жасалды», - деп атап өтті «Ақмола-адалдық алаңы» жобалық кеңсесінің жетекшісі, жұмыс тобының мүшесі Самира Тайтенова.
Ақмола облысы бойынша Сыбайлас жемқорлыққа қарсы іс-қимыл департаменті оқушыларды оқушыларды тек өз білімдеріне ғана сүйене отырып, тест тапсыруға шақырады, ал ата-аналарды тестілеу қорытындысы бойынша оң баға алу мақсатында пара бергені үшін қылмыстық жауапкершілік және бас бостандығынан айыру көзделгенін ескертеді. Егер азаматтар осындай жағдайға тап болса, 1424 Call-орталыққа қоңырау шалу қажет.
[xfvalue_img]
