АҚМОЛАДА МЕКТЕП ТҮЛЕКТЕРІ ҰБТ ТАПСЫРУ ЕРЕЖЕСІН БҰЗҒАНЫ ҮШІН ШЫҒАРЫЛДЫ
21 маусымда бүкіл республика бойынша мектеп оқушылары өміріндегі басты оқиғалардың бірі - ұлттық бірыңғай тестілеу басталды.
Тестілеудің ашықтығы мен объективтілігін қамтамасыз ету үшін Білім және ғылым министрлігінің бұйрығымен еліміздің барлық аймақтарында жұмыс тобы құрылды. Оның құрамына байқаушылар ретінде арнайы мониторинг топ, «Адалдық алаңы» жобалық кеңсесінің өкілдері және Агенттік қызметкерлері кірді.
Бұл топтың негізгі мақсаты тестілеудің «тазалығын» бақылау болып табылады. Байқаушылардың барлық аудиториялар бойынша бейнебақылау мониторын қарау мүмкіндігі болады, қажет болған жағдайда аудиторияға кіруге және болуға құқықтары бар, және қандай да бір сәйкессіздіктер немесе тестілеуді адалсыз тапсыру жағдайлары анықталғанда, олар бұл туралы жауапты тұлғаларға хабарлауға міндетті.
«Аралық мониторинг барысында аудиторияға кіру кезінде 8 жоюдың фактісі, тестілеу кезінде аудиториядан шығару 3 фактісі анықталды. Себептер – тыйым салынған заттарды алып өтуге және қолдануға тырысу, ҰБТ өткізу ережелерін бұзу. Сонымен қатар, мониторинг облыстың кейбір аймақтарындағы ҰБТ - дағы тәртіп ережелері туралы түлектердің жеткіліксіз ақпараттандырылуын, сондай - ақ жекелеген аудиторияларда бейнебақылау сапасының төмендігін көрсетті», - деп атап өтті «Ақмола-адалдық алаңы» жобалық кеңсесінің жетекшісі, жұмыс тобының мүшесі Самира Тайтенова.
Ақмола облысы бойынша Сыбайлас жемқорлыққа қарсы іс-қимыл департаменті оқушыларды оқушыларды тек өз білімдеріне ғана сүйене отырып, тест тапсыруға шақырады, ал ата-аналарды тестілеу қорытындысы бойынша оң баға алу мақсатында пара бергені үшін қылмыстық жауапкершілік және бас бостандығынан айыру көзделгенін ескертеді. Егер азаматтар осындай жағдайға тап болса, 1424 Call-орталыққа қоңырау шалу қажет.
Естеріңізге сала кетейік, Ақмола облысында тестілеу 11 пункт базасында өтуде, оның 3-еуі - Нұр – сұлтан қаласында, 8-еуі - өңір аумағында. Ағымдағы жылы облыстың 4515 түлегі оқуын аяқтаған, оның ішінде 3718 түлек ҰБТ-ға қатысуға өтініш берген.
Сыбайлас жемқорлыққа қарсы іс-қимыл агенттігінің Ақмола облысы бойынша департаментінің баспасөз қызметі
[xfvalue_img]
