«Шығыс – Адалдық алаңы» жобалық кеңсесі дәріханаларда мониторинг жұмыстарын жалғастыруда
Сыбайлас жемқорлыққа қарсы қызметтің аймақтық департаменті жанындағы «Шығыс – Адалдық алаңы» жобалық кеңсесі өңірдегі дәрілік заттар бойынша мониторингті жалғастыруда.
Бүгін жобалық кеңсе жетекшісі М. Бахыт Өскемен қаласының орталық көшелерінде орналасқан дәріханаларға мониторинг жүргізді.
Жобалық кеңсе жетекшісі Маржан Бахыттың сөзінше:
- Көбінесе қала тұрғындары дәріханадағы сөрелерден ыстық түсіретін және вирусқа қарсы препараттарды таба алмай жатады. Осыған байланысты, тұрғындардың соңғы уақытта дәріханаларға сирек бару үрдісі байқалуда, тұрғындар емдеуді үй жайында жүзеге асыра бастады.
Дәрі-дәрмек тапшылығының орнын толтыру үшін бізге облысқа басқа өңірлерден және басқа елдерден гуманитарлық жүктер келіп түсуде.
Кеше ғана Татарстан Республикасынан гуманитарлық жүк келді. Өскеменге үш тонна вирусқа қарсы және қабынуға қарсы препараттар жеткізілді. Татарстаннан басқа, бұрын біздің облысқа Ресей Федерациясынан, Катар Республикасынан және басқа мемлекеттерден гуманитарлық көмек көрсетілді. Мұның бәрі коронавирустық инфекциямен күресу үшін облыстың ауруханалары мен емханаларына таратылады.
Айта кеткеніміз жөн, жобалық кеңсе дәрілік заттармен қамтамасыз ету, олар бойынша тиісті шаралар қабылдау, сондай-ақ шет елдерден гуманитарлық көмектің келіп түсуі мен таратылуын бақылауда ұстауда.
Осыған байланысты, егер сіз дәрі-дәрмектердің бағасын көтеру фактілеріне тап болсаңыз, жемқорлыққа қарсы Call-center 1424 қоңырау шалу немесе «Адалдық алаңы» жобалық кеңсесінің WhatsApp-нөміріне хабарлау қажет +7 702 000 24 94 («Adaldyq alańy» республикалық жобалық кеңсесі), + 7 778 474 69 35 («Шығыс – Адалдық алаңы» жобалык кеңсесі).
[xfvalue_img]
