«Шығыс – Адалдық алаңы» жобалық кеңсесі дәріханалар бойынша алғашқы мониторинг жұмыстарының нәтижесін жариялады
ШҚО Тауарлар мен көрсетілетін қызметтердің сапасы мен қауіпсіздігін бақылау департаментінің 2020 жылғы 10 шілдедегі №611 бұйрығына сәйкес Өскемен қаласында арнайы мониторингтік топ құрылды.
Топ құрамына облыстық «Шығыс - Адалдық алаңы» жобалық кеңсесінің, облыстық сыбайлас жемқорлыққа қарсы қызмет департаментінің, қалалық «Nur Otan» партиясының, қалалық мәслихаттың және өзгеде қоғамдық ұйымдардың өкілдері енді. Күнделікті қаланың шет аймақтары мен орталық көшелерінде орналасқан бірнеше дәріханаларға мониторинг жұмыстары жүргізіледі. Бүгінгі күнге дейін 141 дәріхана мен 8 дәрі қоймасы тексерілді. Нәтижесінде 18 құқықбұзушылық фактілері анықталып, 5 әкімшілік хаттама толтырылды. Барлық жағдайды
«Шығыс - Адалдық алаңы» жобалық кеңсесі өз бақылауында ұстап отыр.
Жобалық кеңсе жетекшісі Маржан Бахыттың сөзінше:
- Арнайы құрылған WhatsApp нөмерге аймақтардан дәрі бағасының өсуі бойынша бірнеше шағымдар түседі, бірақ көп емес. Біз оларды жергілікті атқарушы органмен бірлесіп жағдайды бақылауға аламыз, расымен дәрі бағасының өсімі байқалған жағдайда тиісті шаралар қолданып, әкімшілік хаттама толтырылатын болады.
Осыған байланысты, егер сіз дәрі-дәрмектердің бағасын көтеру фактілеріне тап болсаңыз, жемқорлыққа қарсы Call-center 1424 қоңырау шалу немесе «Адалдық алаңы» республикалық жобалық кеңсесінің WhatsApp-нөміріне хабарлау қажет +7 702 000 24 94 («Adaldyq alańy» республикалық жобалық кеңсесі), + 7 778 474 69 35 («Шығыс – Адалдық алаңы» жобалык кеңсесі).
[xfvalue_img]
8 пікір