«САМҰРЫҚ – ҚАЗЫНА» КОМПАНИЯЛАРЫНДАҒЫ ЖАҒДАЙ ТҰРАҚТЫ» - ДЕДІ А. ЕСІМОВ

  «Самұрық-Қазына» ҰӘҚ »АҚ дағдарысқа қарсы қабылдаған шаралар Қордың портфельдік компанияларының үздіксіз қызметін қолдауға мүмкіндік берді. Бұл туралы Премьер-Министр Асқар Маминнің қатысуымен өткен үкімет отырысы барысында Қор басшысы Ахметжан Есімов мәлімдеді.

Ахметжан Есімовтың айтуынша, қалыптасқан жағдай өндіріс жоспарлары мен көлемдеріне айтарлықтай түзетулер енгізсе де, уақытылы қабылданған шаралар компанияларға дағдарыс кезеңінде қалыпты жұмыс істеуге мүмкіндік береді.

«Жұмыс орындарын сақтау мәселесіне ерекше көңіл бөлінеді. Компаниялар тобында 307 мыңнан астам адам жұмыс істейді. Қор компаниялар тобына кері әсерін жою үшін барынша шаралар қолдануда. Ағымдағы жағдай біздің компаниялардың қаржылық тұрақтылығына айтарлықтай әсер етеді. Сондықтан, өндірістік процестерге тікелей әсер етпейтін операциялық және басқа да шығындарды оңтайландыруға  көптеген жұмыс атқарып жатырмыз », - деді А. Есімов.

Қор басшысы сондай-ақ дағдарысқа қарсы шараларды іске асыру нәтижесінде қол жеткізілген 2020 жылдың 1 тоқсанының қорытындысы бойынша портфельдік компаниялардың өндірістік көрсеткіштерін атап өтті.

Мұнай-газ саласындағы көрсеткіштер салыстырмалы түрде тұрақты. Тоқсан қорытындысы бойынша мұнай өндіру көлемін жоспардан 2% - ға немесе 6 млн.тоннаға жуық асыра орындау қамтамасыз етілді. Бұл 2019 жылғы деңгейден 30% - ға жоғары.

Газ тасымалдау көлемі 24,4 млрд. текше метрді құрады, бұл өткен жылдың ұқсас көрсеткішінен 10% - ға артық.

Көмірді сату көлемі 12,4 млн. тоннаны құрады, бұл жоспарлы көрсеткіштерден жоғары. ҚР көтерме сауда нарығының субъектілері мен электр энергиясының мемлекетаралық транзитіне беру көлемінің төмендеуіне байланысты электр энергиясын беру көлемі жоспардан 5% - ға төмен.

Ахметжан Есімовтың айтуынша, көлік-логистика саласының жолаушылар сегменті коронавирустық пандемиядан ең үлкен теріс нәтиже алды. Жүк сегменті салыстырмалы түрде тұрақты. Жүк айналымының орындалмауы 5% құрайды. Наурызда Қытайдан Еуропаға транзиттік трафиктің жандануы ақпанмен салыстырғанда 30% артты.

Карантиндік жағдайлар кезеңінде телекоммуникация секторы ең көп жүктеме алады. «Қазақтелеком» желісіндегі жүктеме карантин кезеңінде 30% - ға өсті.

Сондай-ақ, Ахметжан Есімов 2020 жылдың наурыз айында  «Samruk -Kazyna Construction» тұрғын және коммерциялық кепілдігін ағымдағы жылдың 1 маусымына дейін айыппұл санкцияларын есептемей жалға алу төлемдерін кейінге қалдыру туралы шешім қабылдағанын еске салды. Бұл жеңілдіктер біздің 37 мың азаматтарымызға қатысты болады. із 2,3 миллиард теңге туралы айтып отырмыз. Сонымен қатар, Қор денсаулық сақтау, Еңбек және әлеуметтік қорғау министрліктерінің, сондай-ақ Ішкі істер министрлігінің мұқтаждықтары үшін маскалар сатып алуға шамамен 500 млн теңге бөлді.

«Самұрық-Қазына»ҰӘҚ» АҚ

Қоғаммен байланыс және

маркетингтік коммуникациялар

жөніндегі департаменті